ბრაზილიის პრეზიდენტი ჟაირ ბოლსონარუ აცხადებს, რომ კორონავირუსის ინფექციამ მას სისუსტე დაუტოვა, რის გამოც ანტიბიოტიკებს იღებს.
„ახლახანს სისხლის ანალიზი ჩავიტარე. გუშინ გარკვეულ სისუსტეს ვგრძნობდი. მათ ცოტა ინფექციაც აღმოაჩინეს. ახლა ანტიბიოტიკებზე ვარ. 20 დღის განმავლობაში დახურულ სივრცეში ყოფნით სხვა პრობლემებიც გამიჩნდა. ფილტვებში ობის სოკო მაქვს," - აღნიშნა ბოლსონარუმ ვიდეომიმართვაში.
გუშინ ბრაზილიის პრეზიდენტის ადმინისტრაციამ განცხადება გაავრცელა, სადაც აღნიშნულია, რომ კორონავირუსი ქვეყნის პირველ ლედის, მიშელ ბოლსონარუსაც გამოუვლინდა.
ცნობისათვის, ჟაირ ბოლსონარუს კორონავირუსი 7 ივლისს დაუდასტურდა, გასული კვირის შაბათს კი ვირუსზე ჩატარებულმა განმეორებითმა ტესტმა უარყოფითი შედეგი აჩვენა.