ბრაზილიაში, გასული დღე-ღამის განმავლობაში, კორონავირუსის 57 837 ახალი შემთხვევა დადასტურდა და ინფიცირებულთა საერთო რაოდენობა 2 610 102-მდე გაიზარდა, - აღნიშნულ მონაცემებს ქვეყნის ჯანდაცვის სამინისტროზე დაყრდნობით CNN-ი ავრცელებს.
ამავე მონაცემების თანახმად, კოვიდ 19-ს კიდევ 1 129 ადამიანის სიცოცხლე შეეწირა და დაღუპულთა რიცხვმა 91 263-ს მიაღწია.
ცნობისათვის, კოვიდინფიცირებულების, ისევე როგორც ვირუსით დაღუპულთა რაოდენობით ბრაზილია მეორე ადგილზე დგას მსოფლიოში აშშ-ის შემდეგ.