გეგმური სარეაბილიტაციო სამუშაოების გამო, „ენერგო-პრო ჯორჯია“-ს აბონენტების ნაწილს ელექტროენერგიის მიწოდება შეეზღუდება,-ამის შესახებ „ინტერპრესნიუსს“ კომპანია „ენერგო-პრო ჯორჯია“-დან აცნობეს.
„ქსელის გეგმური სარეაბილიტაციო სამუშაოების გამო, 31 ივლისს, 10:00-დან 10:10 საათამდე და 17:00-დან 17:10-მდე ელექტროენერგიის მიწოდება შეეზღუდება აბონენტებს თბილისის მუნიციპლიტეტში სოფელ გლდანში, გლდანში, ავჭალის მასივსა და მიმდებარე ტერიტორიაზე, 11:00-დან 15:00 საათამდე აბონენტებს მცხეთის რაიონის სოფლებში ქსანი, ძეგვი, ქსოვრისი, ხეკორძი, ნიჩბისი და მიმდებარე სოფლებში, 12:00-დან 18:00 საათამდე აბონენტებს დუშეთის რაიონის სოფლებში ახალშენი, მჭადიჯვარი, ლამოვანი, წილკანი, კოდის წყარო, ზემო შუახევი და მიმდებარე სოფლებში, 13:00-დან 16:00 საათამდე ყაზბეგის რაიონის სოფლებში - სნო, აჩხოტი, კარკუჩა, სტეფანწმინდა და მიმდებარე სოფლებში. სარეაბილიტაციო სამუშაოების დასრულებისთანავე, ელექტროენერგიის მიწოდება ჩვეულ რეჟიმში აღდგება“,-აღნიშნულია კომპანია „ენერგო-პრო ჯორჯია“-ს მიერ გავრცელებულ ინფორმაციაში.