თბილისში, ნუცუბიძის პლატოზე მდებარე „ბარაკული ტიპის“ ერთსართულიან სახლში ხანძარი გაჩნდა. ამის შესახებ „ინტერპრესნიუსს“ საგანგებო სიტუაციების მართვის სამსახურში განუცხადეს.
მათივე ცნობით, შემთხვევის შედეგად არავინ დაშავებულა. ადგილზე 4 სახანძრო-სამაშველო ბრიგადა მუშაობს.
მათივე ინფორმაციით, ცეცხლი ლოკალიზებულია და ხანძრის სალიკვიდაციო სამუშაოები მიმდინარეობს.