დავით ბაქრაძის განცხადებით, 2020 წლის საპარლამენტო არჩევნები ქვეყნის მომავლისთვის გარდამტეხი მომენტია

„ევროპული საქართველოს“ ერთ-ერთი ლიდერის, დავით ბაქრაძის განცხადებით, 2020 წლის საპარლამენტო არჩევნები ქვეყნის მომავლისთვის გარდამტეხი მომენტია. როგორც მან ზუგდიდში, მოსახლეობასთან შეხვედრისას აღნიშნა, ოქტომბრის არჩევნებზეა დამოკიდებული, თუ როგორ გაგრძელდება საქართველოში თითოეული ოჯახის მომავალი ცხოვრება.

„ზუგდიდშიც და მთელ საქართველოშიც მოსახლეობას აწუხებს ძირითადი პრობლემები, როგორიც არის უმუშევრობა, სიღარიბე, გაძვირებული ცხოვრება და გაზრდილი ფასები, უპერსპექტივობის განცდა. უნდა გვესმოდეს, რომ ყველა ამ პრობლემის მოგვარება შეიძლება ერთადერთი გზით, ეს არის ცვლილებების მოტანა და გამარჯვება ოქტომბრის საპარლამენტო არჩევნებზე. ამიტომ, საპარლამენტო არჩევნები ეს არის გარდამტეხი მომენტი ჩვენი და ჩვენი ქვეყნის მომავლისთვის. ან ქვეყანა შეიცვლება, წავა წინ და მოსახლეობა იცხოვრებს უკეთესად, ან ყველა ის პრობლემა, რაც დაგროვდა ბოლო 8 წლის განმავლობაში გაგრძელდება, გაღრმავდება და მივიღებთ კიდევ უფრო უარეს სურათს. ამიტომ, თითოეულ ადამიანს უნდა ესმოდეს - ოქტომბრის არჩევნები ეს არ არის პოლიტიკოსების არჩევნები, ეს არის ამ ქვეყანაში თითოეული ოჯახის არჩევნები, თუ როგორ გაგრძელდება მათი მომავალი ცხოვრება და გვექნება თუ არა ყველას ერთად მომავლის პერსპექტივა, ეკონომიკური წინსვლა, განვითარებული და დამშვიდებული ევროპული ქვეყანა“, - განაცხადა დავით ბაქრაძემ.

ინფორმაციას „ევროპული საქართველოს“ პრესსამსახური ავრცელებს.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი წარმატების წერტილი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი