საქართველოში კორონავირუსის 8 ახალი შემთხვევიდან 4 აჭარაში გამოვლინდა. აჭარის ჯანდაცვის სამინისტროს ინფორმაციით, თურქეთის ორი მოქალაქე, რომელიც სატვირთო ავტომობილის მძღოლია, ბათუმის „ცხელების ცენტრიდან" სამშობლოში გადაიყვანეს, ხოლო ორი ინფიცირებული საკარანტინე სივრცეში იმყოფებოდა, მათ მოგზაურობის ისტორია აქვთ. ერთ-ერთი ინფიცირებული არასრულწლოვანია, რომელიც მკურნალობას თბილისში გააგრძელებს.

ბათუმის რესპუბლიკურ საავადმყოფოში კორონავირუსით ინფიცირებული 16 ადამიანი მკურნალობს, აქედან ერთის ჯანმრთელობის მდგომარეობა შედარებით მძიმეა.