ვიეტნამში კორონავირუსით პირველი პაციენტი გარდაიცვალა, - ამის შესახებ ინფორმაციას BBC-ი ავრცელებს.

გამოცემის ცნობით, ქვეყანაში, გასული დღე-ღამის განმავლობაში კოვიდ 19-ით ინფიცირების 45 ახალი შემთხვევა დადასტურდა, რაც პანდემიის დაწყების დროიდან, რეკორდულად მაღალი დღიური მაჩვენებელია ვიეტნამისთვის.

აღსანიშნავია, რომ 45-ვე ახალი შემთხვევა საკურორტო ქალაქ დენანგში გამოვლინდა, სადაც კორონავირუსის პირველი შემთხვევა გასულ კვირას, ბოლო 3 თვეზე მეტი ხნის მანძილზე პირველად დადასტურდა.

ვიეტნამი კორონავირუსთან ბრძოლის კუთხით ერთ-ერთ წარმატებულ ქვეყნად მიიჩნევა მსოფლიოში. ქვეყანაში, საერთო ჯამში, ინფიცირების 509 შემთხვევაა დადასტურებული.