ლერი სულაბერიძის საქმეზე დაკავებულის ადვოკატის განცხადებით, მისი დაცვის ქვეშ მყოფისთვის შეფარდებულ პატიმრობას გაასაჩივრებს

ფეხბურთის ფედერაციის ყოფილი ვიცე-პრეზიდენტის, ლერი სულაბერიძის განზრახ მკვლელობის მცდელობისა და ცეცხლსასროლი იარაღის მართლსაწინააღმდეგო შეძენა, შენახვა-ტარების ფაქტზე დაკავებული ირაკლი ღლონტის ადვოკატის, ლევან მახარაშვილის განცხადებით, მისი დაცვის ქვეშ მყოფისთვის შეფარდებულ პატიმრობას გაასაჩივრებს.

„ჩავატარებთ ალტერნატიულ გამოძიებას, რომლის შედეგადაც დასაბუთდება უტყუარად, რომ არანაირ განზრახ მკვლელობის მცდელობას ადგილი არ ჰქონია. ჩემი დაცვის ქვეშ მყოფი არ ატარებდა მართლსაწინააღმდეგოდ ცეცხლსასროლ იარაღს“,- განაცხადა ადვოკატმა.

ლევან მახარაშვილმა სასამართლო სხდომის დროს მომხდარ ინციდენტზეც ისაუბრა. ამასთან, მან აღნიშნა, რომ ირაკლი ღლონტს მიმალვის მცდელობა არ ჰქონია.

„ჩემმა დაცვის ქვეშ მყოფმა სხდომის წესრიგი დაარღვია, როდესაც პროკურორი საუბრობდა. რაღაც ფრაზა წამოიძახა, რის გამოც გააძევეს“, - განაცხადა ადვოკატმა.

შეგახსენებთ, ირაკლი ღლონტს სასამართლო სხდომის დარბაზი პროკურორისთვის შეურაცხყოფის მიყენების გამო დაატოვებინეს. მას აღკვეთის ღონისძიების სახით პატიმრობა შეეფარდა.

სამართალდამცველებმა ი.ღ. 2020 წლის 29 ივლისს დააკავეს. მას ბრალდება საქართველოს სისხლის სამართლის კოდექსის 19,108-ე და 236-ე მუხლის მე-3 და მე-4 ნაწილებით წარედგინა, რას სასჯელის სახედ და ზომად 7 დან 15 წლამდე თავისუფლების აღკვეთას ითვალისწინებს.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება