„სტრატეგია აღმაშენებლის" ლიდერი გიორგი ვაშაძე ნავთლუღის ბაზრობაზე მოვაჭრეებს შეხვდა და მათი პრობლემები მოისმინა.
როგორც გიორგი ვაშაძემ განაცხადა, საქართველოში მოსახლეობას ცუდი ეკონომიკური მდგომარეობა აქვს და სიღარიბის დასამარცხებლად საჭიროა გაერთიანება და აღმშენებლობის დაწყება.
„დამსხვრეული ოცნებების“ პარტიის 8 - წლიანი მმართველობის შედეგად, ხალხს შეუმცირდა შემოსავალი, ფასები მკვეთრად გაიზარდა 70%-ით და ფაქტობრივად მოსახლეობა არის მშიერი, გრამობით ყიდულობენ საჭმელს.
ამიტომ ვამბობ, რომ დავიწყოთ აღმშენებლობა და დავასრულოთ სიღარიბე ქვეყანაში. არც ერთი პირობა „დამსხვრეული ოცნებების“ პარტიას არ შეუსრულებია საქართველოში, გარდა თავისი ნათესავებისა, რომლებსაც ასაქმებს აბსოლუტურად ყველგან. ხალხი სამსახურს კარგავს, 45 000 სამუშაო ადგილია ქვეყანაში შემცირებული, ფასები 70%-ით არის გაზრდილი, ბაზარში მყიდველიც კი არ არის იმიტომ, რომ ხალხს ფული არ აქვს, შიმშილი უნდა დავასრულოთ და ამისათვის უნდა გავერთიანდეთ",-განაცხადა გიორგი ვაშაძემ.