„სტრატეგია აღმაშენებლის" გუნდს მიგვაჩნია, რომ აუცილებელია ხელისუფლებამ გაითვალისწინოს ამერიკის ელჩის განცხადება კონგრესმენებთან დაკავშირებით,- ამის შესახებ, „სტრატეგია აღმაშენებლის“ სპიკერმა, უშიშროების საბჭოს მდივნის ყოფილმა მოადგილემ, თეონა აქუბარდიამ განაცხადა.

თეონა აქუბარდია ხელისუფლებას მოუწოდებს უზრუნველყოს თავისუფალი, სამართლიანი არჩევნების ჩატარება.

„ჩვენ აქამდე ვხედავდით, იყო განცხადებები, რომ ეს არის ერთი კონგრესმენი, ლობისტები, დღეს ვნახეთ ამ განცხადებით, რომ მნიშვნელოვანია გათვალისწინება ყველა იმ წუხილის, რომელიც კონგრესმენებს გააჩნიათ საქართველოსთან დაკავშირებით.

ჩვენ ვხედავთ, რომ ყველა ის წუხილი, რომელიც არის საქართველოში დემოკრატიასთან დაკავშირებით, აზიანებს თითოეულ მოქალაქეს, ხელს უშლის ინვესტიციების შემოდინებას. შესაბამისად, ამით ზიანდება თითოეული მოქალაქე და ჩვენი სტრატეგიული ინტერესები.

მოვუწოდებ ხელისუფლებას, „დამსხვრეული ოცნებების“ პარტიას, ყურად იღოს ის წუხილები, რომელიც შეერთებული შტატების მხრიდან საქართველოსთან დაკავშირებით არის. ყურად იღოს ელჩის მოწოდება და რეალურად გაატაროს თავისუფალი, სამართლიანი არჩევნების დაპირება იმისთვის, რომ ჩვენ ერთად შევძლოთ ყველა იმ მიზნების შესრულება, რომელიც აქვს საქართველოს“, - აცხადებს „სტრატეგია აღმაშენებელის" სპიკერი თეონა აქუბარდიამ.

ცნობისთვის, აშშ- ის ელჩმა საქართველოში კელი დეგნანმა განაცხადა რომ მნიშვნელოვანია, ნებისმიერი მესიჯი, თუ სხვა სახის განცხადება, რომელიც მოდის კონგრესის წევრებისგან, აღქმული იყოს სერიოზულად.

აღნიშნულ ინფორმაციას „სტრატეგია აღმაშენებელის“ პრესსამსახური ავრცელებს.