გერმანიის საგარეო საქმეთა სამინისტრომ მოსახლეობას ურჩია, კორონავირუსის შემთხვევების გამო ჩრდილოეთ ესპანეთის სამ რეგიონში - კატალონიაში, ნავარასა და არაგონში ტურისტული ვიზიტებისგან თავი შეიკავონ.
გერმანიის ჯანდაცვის სააგენტომ, რობერტ კოშის ინსტიტუტმა, ესპანეთის აღნიშნული სამი რეგიონი მაღალი რისკის მქონე ადგილების ჩამონათვალში შეიტანა, რაც ნიშნავს, რომ ამ რეგიონებიდან დაბრუნებულ გერმანიის მოქალაქეებს ან 14-დღიანი კარანტინის გავლა მოუწევთ, ან - კორონავირუსის ტესტის უარყოფითი პასუხის წარმოდგენა.
გერმანიაში ბოლო დღე-ღამის განმავლობაში კორონავირუსის 870 შემთხვევა დაფიქსირდა, რაც მაისის შუა რიცხვების შემდეგ რეკორდული მაჩვენებელია.
ქვეყანა გეგმავს, მომავალი კვირიდან კორონავირუსის ტესტების გაკეთება აეროპორტებში ყველა ისეთი დამსვენებლისთვის გახადოს სავალდებულო, რომლებიც მაღალი რისკის მქონე ადგილებიდან ბრუნდებიან.