ენტონი ფაუჩი - ფრთხილ ოპტიმიზმს ვგრძნობთ, რომ კორონავირუსის ვაქცინა  წლის ბოლოს ან 2021 წლის დასაწყისში გვექნება, არა მგონია, ეს ოცნება იყოს

როგორც აშშ-ის ალერგიისა და ინფექციური დაავადებების ეროვნული ინსტიტუტის ხელმძღვანელმა, ენტონი ფაუჩიმ განაცხადა, არ ფიქრობს, რომ ოცნებაა ის, რომ კორონავირუსის ვაქცინა მიმდინარე წლის დასასრულს ან 2021 წლის დასაწყისში მზად იყოს.

"მჯერა, რომ ეს მოხდება", - განაცხადა მან.

მისივე თქმით, სისწრაფის მიზნით უსაფრთხოების სტანდარტებისა და სამეცნიერო მთლიანობის დათმობა არ მოხდება.

ფაუჩიმ აღნიშნა, რომ ვაქცინის პირველი ფაზის ადრეული მონაცემები, რომელსაც Moderna და NIAID ავითარებენ, საკმაოდ ხელსაყრელია, თუმცა არის სხვა ვაქცინებიც.

"ხშირად მითქვამს და ისევ გავიმეორებ: უსაფრთხო და ქმედითი ვაქცინის მიღების გარანტია არასდროსაა, თუმცა ყველაფრიდან, რაც აქამდე ვიხილეთ, მათ შორის ცხოველებზე ჩატარებული გამოკვლევების მონაცემებიდან, ისევე, როგორც ადამიანთა გამოკვლევების ადრეული მონაცემებიდან გამომდინარე, ფრთხილ ოპტიმიზმს ვგრძნობთ იმის შესახებ, რომ ვაქცინა ამ წლის ბოლოს ან 2021 წლის დასაწყისში გვექნება. ასე რომ, არ ვფიქრობ, რომ ეს ოცნებაა, მჯერა, რომ ეს რეალობაა", - განაცხადა ფაუჩიმ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა