„რია ნოვოსტი“ - რუსულმა Su-27-მა ამერიკულ სადაზვერვო თვითმფრინავს შავი ზღვის თავზე გზა გადაუჭრა

რუსული საინფორმაციო სააგენტო "რია ნოვოსტი" რუსული ეროვნული თავდაცვის კონტროლის ცენტრის ინფორმაციაზე დაყრდნობით იტყობინება, რომ შავი ზღვის თავზე, რუსულმა Su-27-მა ამერიკული საზღვაო-საჰაერო ძალების სადაზვერვო თვითმფრინავს, EP-3E-ს გზა გადაუჭრა.

სააგენტოს ცნობით, "2020 წლის 31 ივლისს, რუსული საჰაერო სივრცის კონტროლის საშუალებებმა შავი ზღვის ნეიტრალური წყლების თავზე დააფიქსირა საჰაერო სამიზნე, რომელიც რუსეთის ფედერაციის სახელმწიფო საზღვარს უახლოვდებოდა. სამიზნისთვის გზის გადაჭრის მიზნით, სამხრეთის სამხედრო ოლქის საჰაერო თავდაცვის ძალების კუთვნილი გამანადგურებელი, Su-27 ჰაერში გაიგზავნა", - აღნიშნულია განცხადებაში.

ასევე, ხაზგასმულია, რომ რუსული გამანადგურებლის ეკიპაჟი საჰაერო ობიექტს უსაფრთხო მანძილზე მიუახლოვდა და მისი იდენტიფიცირება მოახდინა, როგორც აშშ-ს საზღვაო ძალების რადიო-ტექნიკური სადაზვერვო თვითმფრინავი, EP-3E.

"მას შემდეგ, რაც ამერიკული სადაზვერვო თვითმფრინავი რუსეთის ფედერაციის სახელმწიფო საზღვრიდან გატრიალდა, რუსული გამანადგურებელი ბაზაში უსაფრთხოდ დაბრუნდა. რუსული Su-27-ის მთელი ფრენის განმავლობაში მკაცრად იყო დაცული საჰაერო სივრცის გამოყენების საერთაშორისო წესები. ამერიკულ სადაზვერვო თვითმფრინავს რუსეთის ფედერაციის სახელმწიფო საზღვარი არ დაურღვევია", - აღნიშნავს სამხედრო განყოფილება.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა