უკრაინაში, გასული 24 საათის განმავლობაში, კორონავირუსის 1 172 ახალი შემთხვევა დადასტურდა და ინფიცირებულთა საერთო რაოდენობა 71 056-მდე გაიზარდა, - შესაბამის მონაცემებს ადგილობრივი მედია ავრცელებს.
ამავე მონაცემების თანახმად, უკრაინაში „კოვიდ 19“-ს კიდევ 16 ადამიანის სიცოცხლე ემსხვერპლა და დაღუპულთა რიცხვმა, საერთო ჯამში, 1 709-ს მიაღწია.
რაც შეეხება გამოჯანმრთელებულებს, ქვეყანაში ვირუსისგან 39 308 პაციენტი გამოჯანმრთელდა, აქედან 556 - ბოლო 24 საათში.