ბენიამინ ნეთანიაჰუს განცხადებით, ანტისამთავრობო აქციებს „მიკერძოებული მედია აქეზებს“

ისრაელის პრემიერ-მინისტრი ბენიამინ ნეთანიაჰუ მისი მმართველობის წინააღმდეგ მიმართულ საპროტესტო აქციებს აკრიტიკებს და აცხადებს, რომ პროცესებს აქეზებს მიკერძოებული მედია, რომელიც ამახინჯებს ფაქტებს და ამხნევებს დემონსტრანტებს.

ნეთანიაჰუმ მინისტრთა კაბინეტის შეხვედრაზე სიტყვით გამოსვლისას პროტესტის მონაწილეებს „ანარქისტები“ და „მემარცხენეები“ უწოდა, რომლებიც „ძლიერი მემარჯვენე ლიდერის ჩამოგდებას ცდილობენ.

„არასდროს ყოფილა მედიის ასეთი უსახური მობილიზაცია საპროტესტო აქციების სასარგებლოდ, რამაც არა თუ საბჭოთა კავშირის, არამედ ჩრდილოეთ კორეის სიტუაციასაც კი მიაღწია“, - განაცხადა ნეთანიაჰუმ.

მისივე თქმით, მედია აქციებზე პრემიერ-მინისტრისა და მისი ოჯახის მოკვლისკენ მოწოდებებს უგულებელყოფს.

შეგახსენებთ, ისრაელში, პრემიერ-მინისტრ ბენიამინ ნეთანიაჰუს გადადგომის მოთხოვნით აქციები იმართება. გარდა იმისა, რომ მოქალაქეები ნეთანიაჰუს მთავრობას კორონავიირუსის კრიზისის წინააღმდეგ არაეფექტური რეაგირების გამო აკრიტიკებენ, ქვეყნის პრემიერ-მინისტრის წინააღმდეგ სასამართლოშიც მიმდინარეობს პროცესი. ბრალდების მხარე ნეთანიაჰუს უფლებამოსილების ბოროტად გამოყენებასა და ქრთამის აღებაში სდებს ბრალს.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს