გია ვოლსკი - საქართველოში განხორციელებული ინიციატივებით მწვანე კულტურა და მწვანე თემებზე საუბარი პრიორიტეტული ხდება

საქართველოში განხორციელებული ინიციატივებით, მწვანე კულტურა და მწვანე თემებზე საუბარი ენერგოსფეროში, სატრანსპორტო სფეროში თუ ნებისმიერ სხვა სფეროში პრიორიტეტული ხდება. ძალიან კარგია, რომ ამაში გარემოს დაცვისა და ბუნებრივი რესურსების კომიტეტმა ძალიან დიდი წვლილი შეიტანა და მოახერხა საკმაოდ მნიშვნელოვანი საკითხების წინ წამოწევა, იქნება ეს დაცულ ტერიტორიები, ტყის კოდექსი თუ სხვა, - განაცხადა პარლამენტის თავმჯდომარის პირველმა მოადგილემ, გია ვოლსკიმ გარემოს დაცვისა და ბუნებრივი რესურსების კომიტეტის საგაზაფხულო სესიის საქმიანობის ანგარიშისა და მწვანე სივრცის პრეზენტაციაზე.

მისივე თქმით, ამ საკითხებთან დაკავშირებით ბევრია გაკეთებული და მომავალში ადამიანები შეეცდებიან წარმოჩნდნენ როგორც გარემოს მეგობრის და გარემოს დამცველის სტატუსით. პარლამენტის თავმჯდომარის პირველმა მოადგილემ აღნიშნა, რომ სამწუხაროდ, ქვეყნაში არსებული პოლიტიკური დაპირისპირების გამო აღნიშნული მნიშვნელოვანი თემები თითქმის იკარგება.

„ეს მნიშვნელოვანი საკითხები, რომელიც ჩვენი შვილებისთვის გადამწყვეტი მნიშვნელობისაა, თითქმის იკარგება პოლიტიკურ დაპირისპირებაში, რომელიც, სამწუხაროდ, ახასიათებს საქართველოს დღევანდელობას. ვინც თვალს ადევნებს ამ მიმართულებით კომიტეტის, პარლამენტის, მთავრობის, ასევე, კერძო პირების საქმიანობას, და თქვენ იცით განსაკუთრებით ვისზე მაქვს საუბარი, შეუძლია დააფასოს მიღწეული შედეგები. მინდა ხაზგასმით აღვნიშნო, რომ საერთაშორისო პარტნიორების, თუნდაც გერმანიის კონკრეტული დახმარებით, ჩვენ გაცილებით წინ წავიწიეთ, როგორც რეგიონალური მასშტაბით, ასევე მსოფლიო დონეზე. დიდი მადლობა ამისთვის კომიტეტს და ყველას, ვინც გარკვეული ძალისხმევა გამოიჩინა ამ მიმართულებით“, - განაცხადა ვოლსკიმ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს