პოლონეთმა „გაზპრომი“ 57 მილიონი აშშ დოლარით დააჯარიმა

პოლონურმა ანტიმონოპოლიურმა რეგულატორმა UOKiK-მა რუსული „გაზპრომი“ გაზსადენ Nord Stream 2-ის საქმეში თანამშრომლობაზე უარის გამო 213 მილიონი ზლოტით (57 მილიონი აშშ დოლარი) დააჯარიმა, - ამის შესახებ ინფორმაციას რუსული მედია ავრცელებს.

რეგულატორის განმარტებით, საქმე ეხება გამოძიებას, რომელიც გაზსადენის მშენებლობის რეგულატორის თანხმობის გარეშე დაფინანსებას ეხება.

აღნიშნულ საქმესთან დაკავშირებით UOKiK-მა ბრალდებები 6 კომპანიას: Gazprom-ს, Engie Energy-ს, Uniper-ს, OMV-ს, Shell-სა და Wintershall-ს წაუყენა.

„შარშან Gazprom-სგან საქმესთან დაკავშირებული დოკუმენტაცია მოვითხოვეთ, მაგრამ კომპანიამ უარი თქვა მნიშვნელოვანი ინფორმაციის მოწოდებაზე. ჩვენი აზრით, ეს არის მიზანმიმართული ქმედება, რომლის მიზანი მიმდინარე გამოძიებისთვის ხელის შეშლა იყო“, - ნათქვამია რეგულატორის ხელმძღვანელის მიერ გავრცელებულ განცხადებაში.

ცნობისათვის, პოლონეთი მიიჩნევს, რომ Nord Stream 2-ი ევროპის ენერგეტიკულ უსაფრთხოებას საფრთხეს უქმნის და აცხადებს, რომ პროექტი Gazprom-ის ბაზარზე დომინირებას შეუწყობს ხელს.

იხილეთ ვიდეო:პოლონეთმა "გაზპრომი" 57 მილიონი აშშ დოლარით დააჯარიმა

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს