ადვოკატი თამარ ბაჩალიაშვილის მიერ მაღალჩინოსნების მაკომპრომეტირებელი მასალების მოიპოვების შესახებ ინფორმაციაზე - ყველაფერი შესაძლებელია, არაფერს გამოვრიცხავ

გარდაცვლილი თამარ ბაჩალიაშვილის ოჯახის ადვოკატის მიხეილ რამიშვილის განცხადებით, ის გარკვეულწილად ფლობს ინფორმაციას მაღალჩინოსნებთან დაკავშირებით გავრცელებულ ინფორმაციაზე და ეს უნდა გადაამოწმოს. მისი თქმით, ის არაფერს არ გამორიცხავს, რადგან უფრო სიღრმისეული ინფორმაცია აქვს, რომლებზეც გამოძიების ინტერესებიდან გამომდინარე არ საუბრობს. საქმე ეხება „შაბათის ფორმულაში" გაჟღერებულ ინფორმაციას, რომლის თანახმადაც, თამარ ბაჩალიაშვილმა სამი მაღალჩინოსნის მაკომპრომეტირებელი მასალები მოიპოვა.

„მე ვფლობ გარკვეულწილად, მაგრამ უნდა გადავამოწმო ყველაფერი. ყველაფერი შესაძლებელია, არაფერს არ გამოვრიცხავ და მე უფრო შორსმავალი ინფორმაციები მაქვს და უფრო სიღრმისეული. ეს არის ჩემი წყარო, ჩემი ინფორმაცია, გადავამოწმებ და შემდეგ უკვე გამოძიების ინტერესებიდან გამომდინარე, გამოძიებას მივაწოდებ, მათთან ერთად გავივლი გარკვეულ ფილტრაციას და მერე ვიმოქმედებთ შესაბამისად. ჯერ ყველაფერს უნდა კარგად გაანალიზება, რომ ხელი არ შეეშალოს გამოძიებას,“- განაცხადა მიხეილ რამიშვილმა.

მისი თქმით, იშვიათი არ არის შემთხვევები, როდესაც ჟურნალისტური გამოძიების შედეგად გაჟღერებული ვერსიები დადასტურებულა და ახლოს ყოფილა სიმართლესთან. აქედან გამომდინარე ადვოკატი მიიჩნევს, რომ „შაბათის ფორმულის“ წამყვანი დავით ქაშიაშვილი უნდა გამოკითხულიყო.

შეგახსენებთ, რომ „შაბათის ფორმულას" წამყვანი დავით ქაშიაშვილი შინაგან საქმეთა სამინისტროში გამოკითხვაზე დაიბარეს.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს