ნორვეგია მის პორტებში მგზავრების გადასხმას უკრძალავს ყველა იმ საკრუიზო გემს, რომლის ბორტზეც 100-ზე მეტი მგზავრი იმყოფება. ამის შესახებ ქვეყნის ჯანდაცვის მინისტრმა განაცხადა.
აღნიშნული გადაწყვეტილება ქვეყნის ხელისუფლებამ მას შემდეგ მიიღო, რაც ნორვეგიულ საკრუიზო გემ Hurtigruten-ზე მყოფ მგზავრებს კორონავირუსი დაუდასტურდათ.
ახალი რეგულაცია თავდაპირველად ორი კვირით იმოქმედებს. ახალი წესი არ გავრცელდება რეგულარული სამგზავრო ბორნების მიმოსვლაზე.
ცოტა ხნის წინ საკრუიზო გემ Hurtigruten-ზე კორონავირუსი მინიმუმ 41 მგზავრს აღმოაჩნდა.