პოლიტიკური პლატფორმა „სტრატეგია აღმაშენებლის" პოლიტსაბჭოს წევრის, პარტიის საარჩევნო საკითხების მიმართულების ხელმძღვანელის ანა კობახიძის ინფორმაციით, მმართველმა გუნდმა სამთავრობო კანდიდატების სასარგებლოდ ადმინისტრაციული რესურსის გამოყენება დაიწყო. ამის შესახებ განცხადება ანა კობახიძემ სოციალურ ქსელში გაავრცელა.
განცხადებასთან ერთად, კობახიძემ სოციალური ქსელში ფოტოც გაავრცელა, რომელზეც ისნის რაიონის გამგებელი, კახა ლაბუჩიძე, ისნის რაიონის გამგებლის მოადგილე, გიორგი რჩეულიშვილი და ვაზისუბნის საუბნო განყოფილების ხელმძღვანელი, ხვიჩა ჩალაბაშვილი არიან.
"დაიწყო ადმინისტრაციული რესურსის გამოყენება სამთავრობო კანდიდატის სასარგებლოდ! ფოტოზე აღბეჭდილი პირები: ისნის რაიონის გამგებელი - კახა ლაბუჩიძე; ისნის რაიონის გამგებლის მოადგილე - გიორგი რჩეულიშვილი; ვაზისუბნის საუბნო განყოფილების ხელმძღვანელი – ხვიჩა ჩალაბაშვილი", – წერს "ფეისბუქის" პირად გვერდზე ანა კობახიძე.
ინფორმაციას პოლიტიკური პლატფორმა „სტრატეგია აღმაშენებლის“ პრესსამსახური ავრცელებს.