ბელარუსის საპრეზიდენტო არჩევნებისთვის ხმის მიცემის წინასწარი პროცედურა დაიწყო, - ამის შესახებ ინფორმაციას ადგილობრივი მედია ავრცელებს.

მათივე ინფორმაციით, იმ ამომრჩევლებს, რომლებიც არჩევნებში მონაწილეობას არჩევნების დღეს ვერ ახერხებენ, ხმის მიცემის საშუალება 4-დან 8 აგვისტომდე ექნებათ. აღნიშნული პერიოდის საარჩევნო უბნები 10:00 საათიდან 14:00 საათამდე და 16:00 საათიდან 19:00 საათამდე იქნება ღია.

ბელარუსის საპრეზიდენტო არჩევნებისთვის, საერთო ჯამში, 5 767 საარჩევნო უბანი იქნება გახსნილი. ქვეყანაში სულ 6 844 932 ამომრჩეველია რეგისტრირებული.

ბელარუსში საპრეზიდენტო არჩევნები 9 აგვისტოს გაიმართება.