დონალდ ტრამპი აცხადებს, რომ თუ TikTok-ის ამერიკულ განყოფილებას ამერიკული კომპანია შეიძენს, მთავრობამ გარიგებიდან „მნიშვნელოვანი წილი“ უნდა მიიღოს

აშშ-ის პრეზიდენტი, დონალდ ტრამპი აცხადებს, რომ თუ აპლიკაცია TikTok-ის ამერიკულ განყოფილებას ამერიკული კომპანია შეიძენს, აშშ-ის მთავრობამ გარიგებიდან წილი უნდა მიიღოს.

„აშშ-მა ფასის დიდი წილი უნდა მიიღოს, რადგან ეს ჩვენ გავხადეთ შესაძლებელი. ეს შემოსავალი იქნება იმ გაყიდვიდან, რომელზეც არავინ იფიქრებდა ჩემს გარდა. ვფიქრობ, რომ ეს სამართლიანია,“ - აღნიშნა ტრამპმა.

მისივე თქმით, გარიგებიდან „მნიშვნელოვანი წილის“ მიღების შესახებ მოთხოვნაზე მას კომპანია Microsoft-ის ხელმძღვანელთანაც ჰქონდა საუბარი.

აშშ-ის პრეზიდენტმა ასევე განაცხადა, რომ თუ აპლიკაციის შეძენაზე ამერიკული კომპანია მოლაპარაკებებს 15 სექტემბრამდე არ დაასრულებს, TikTok-ი ამერიკაში აიკრძალება.

შეგახსენებთ, ტრამპის ადმინისტრაცია ჩინური კომპანია ByteDance-ის კუთვნილ აპლიკაცია TikTok-ს ჩინეთის ხელისუფლებისთვის მომხმარებელთა მონაცემების შესახებ ინფორმაციის მიწოდებაში ადანაშაულებს.

ინფორმაციას BBC-ი ავრცელებს.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 26.02.2021
კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
1 მარტს, "ამბასადორი ჯგუფი" კურორტ გოდერძიზე ახალ სასტუმროს - „ამბასადორი გოდერძის“ გახსნის
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)