თამარ ბაჩალიაშვილის დედის განცხადებით, თუ საქმეში FBI არ ჩაერთვება, შიმშილობას დაიწყებს

გარდაცვლილი 23 წლის თამარ ბაჩალიაშვილის დედა, თეონა თამაზაშვილი აცხადებს, რომ თუ მისი შვილის საქმესთან დაკავშირებით ხელისუფლების მხრიდან გამოხმაურება არ იქნება და საქმეში აშშ-ის გამოძიების ფედერალური ბიურო არ ჩაერთვება, ის შიმშილობას დაიწყებს. როგორც მან ჟურნალისტებს განუცხადა, ოჯახის მოთხოვნა საქართველოში აშშ-ის ელჩ კელი დეგნანთან პირადად შეხვედრაა.

„რადგან საქართველოს მთავრობა უძლურია ჩემი შვილის მკვლელობის საქმის გამოძიებაში, გამოძიების ფედერალური ბიუროს ჩართულობას მოვითხოვ. ასევე მოვითხოვ კელი დეგნანთან შეხვედრას, რომ ამერიკელმა ხალხმა გულთან ახლოს მიიტანოს ჩემი შვილის მკვლელობის ამბავი და გვერდში დამიდგნენ, რადგან მაღალჩინოსნები არიან მკვლელები და მე სამართალს ვერასდროს მივაღწევ. ამერიკელო ხალხო, გთხოვთ დამიდგეთ გვერდში.

ჩვენი ძირითადი მოთხოვნაა, საქართველოს მთავრობამ უარი არ თქვას FBI-ის ჩართულობაზე. მინდა უშუალოდ კელი დეგნანთან შეხვედრა, რომელიც სავარაუდოდ დედაა და მასაც შვილები ჰყავს. გეხვეწებით, გემუდარებით, გიჩოქებთ. სამართალს ვერ მივაღწიე.

თუ არანაირი გამოხმაურება არ იქნება, პირადად ამ საელჩოს წინ ვაპირებ შიმშილობის დაწყებას. ველოდები 3 დღის მანძილზე, გაგზავნილია ოფიციალურად წერილი და თუ არ მოხდება FBI-ის ჩართულობა, მთელი ქვეყნის წინაშე ვაცხადებ, პირადად დავჯდები აქ და შიმშილობას გამოვაცხადებ", - განაცხადა თამაზაშვილმა.

ცნობისთვის, თამარ ბაჩალიაშვილი 18 ივლისს გაუჩინარდა. ახალგაზრდა პროგრამისტი სათვალთვალო კამერებმა ბოლოს თეთრიწყაროს რაიონში დააფიქსირეს. ის 5-დღიანი ძებნის შემდეგ თეთრიწყაროს ტყესთან, საკუთარ მანქანაში გარდაცვლილი იპოვეს.

ბაჩალიაშვილის საქმეზე გამოძიება თავისუფლების უკანონო აღკვეთის მუხლით დაიწყო, შემდეგ კი ბრალდების კვალიფიკაციას თვითმკვლელობამდე მიყვანის მუხლი დაემატა.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი