მას შემდეგ, რაც 23 წლის თამარ ბაჩალიაშვილის ოჯახის წევრებმა საქართველოში აშშ-ის საელჩოს წინ აქცია გამართეს, მათთან შეხვედრის სურვილი საქართველოში აშშ-ის საელჩოს წარმომადგენელმა გამოთქვა.
შეხვედრა დახურულ კადრს მიღმა ამ წუთებში მიმდინარეობს.
დღეს გამართულ აქციაზე თამარ ბაჩალიაშვილის დედამ, თეონა თამაზაშვილმა საქართველოში აშშ-ის ელჩ კელი დეგნანთან შეხვედრა და საქმეში აშშ-ის გამოძიების ფედერალური ბიუროს ჩართულობა მოითხოვა.
ცნობისთვის, თამარ ბაჩალიაშვილი 18 ივლისს გაუჩინარდა. ახალგაზრდა პროგრამისტი სათვალთვალო კამერებმა ბოლოს თეთრიწყაროს რაიონში დააფიქსირეს. ის 5-დღიანი ძებნის შემდეგ თეთრიწყაროს ტყესთან, საკუთარ მანქანაში გარდაცვლილი იპოვეს.
ბაჩალიაშვილის საქმეზე გამოძიება თავისუფლების უკანონო აღკვეთის მუხლით დაიწყო, შემდეგ კი ბრალდების კვალიფიკაციას თვითმკვლელობამდე მიყვანის მუხლი დაემატა.