დავით ბაქრაძე - ტყუილი დაპირებები, შეუსრულებელი პირობები და გაუარესებული ცხოვრება, სწორედ ამას უნდა დავუსვათ წერტილი ოქტომბრის არჩევნებზე

„ტყუილი დაპირებები, შეუსრულებელი პირობები და გაუარესებული ცხოვრება, სწორედ ამას უნდა დავუსვათ წერტილი ოქტომბრის არჩევნებზე“, - ამის შესახებ „ევროპული საქართველოს“ ლიდერმა დავით ბაქრაძემ ქარელში მოსახლეობასთან შეხვედრაზე განაცხადა.

„ევროპული საქართველოს“ პრესსამსახურის ცნობით, ქარელში მოსახლეობა სოციალურ და ინფრასტრუქტურულ პრობლემებზე საუბრობს. დავით ბაქრაძესთან საუბარში ადგილობრივები, უმუშევრობის, უპერსპექტივობის და ფასების ზრდის პრობლემაზე ამახვილებენ ყურადღებას. ადგილობრივებთან შეხვედრისას დავით ბაქრაძემ საპარლამენტო არჩევნების მნიშვნელობაზე ისაუბრა და აღნიშნა, რომ ოქტომბრის არჩევნებზე ხალხმა უნდა აირჩიოს პოლიტიკური გუნდი, რომელიც ქვეყანას წაიყვანს წინ, შეასრულებს დაპირებებს და მოაგვარებს პრობლემებს.

„ძალიან ბევრი პრობლემა აწუხებს მოსახლეობას ქარელში და მთელ საქართველოში. უახლოეს პერიოდში კიდევ ერთხელ ვიხილავთ იგივე საარჩევნო ფოკუსს “ქართული ოცნების“ მხრიდან, სადაც „ქართული ოცნების“ დეპუტატები კიდევ ერთხელ ჩამოივლიან სოფლებს, ოჯახებს, კიდევ ერთხელ გაახსენდებათ, რომ ამომრჩეველი ჰყავთ, კიდევ ერთხელ დაჰპირდებიან ყველაფრის მოგვარებას და კიდევ ერთხელ მოატყუებენ ხალხს. ეს არის ის, რაც ხდება ბოლო რამდენიმე არჩევნებია, ტყუილი დაპირებები, შეუსრულებელი პირობები და გაუარესებული ცხოვრება სწორედ ამას უნდა დავუსვათ წერტილი ოქტომბრის არჩევნებზე და უნდა ავირჩიოთ ახალი პოლიტიკური გუნდი, რომელიც ქვეყანას წაიყვანს წინ, რომელიც გასცემს რეალურ დაპირებას და შეასრულებს ამ დაპირებებს. რაც მთავარია, მოაგვარებს იმ პრობლემებს, გაჭირვებას, სიღარიბეს, კრიმინალს, რაც ყველაზე მეტად სჭირდება მოსახლეობას”,- განაცხადა დავით ბაქრაძემ.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
სილქნეტი განცხადებას ავრცელებს (R)