შალვა ალავერდაშვილი - შრომის ინსპექციამ ის სასტუმროები და რესტორნები დააჯარიმა, რომლებზეც ლიცენზია თავადვე ჰქონდა გაცემული

სასტუმროების და რესტორნების ფედერაციის დამფუძნებელი, შალვა ალავერდაშვილი აცხადებს, რომ შრომის ინსპექციამ ის სასტუმროები და რესტორნები დააჯარიმა, რომლებზეც ლიცენზია თავადვე ჰქონდა გაცემული.

როგორც მან აღნიშნა, 31 რესტორანი და 3 სასტუმროა დაჯარიმებული და ვალით გახსნილი ობიექტების 10 000 ლარით დაჯარიმების გამო ბევრმა ბიზნესმენმა, ვინც ობიექტის გახსნას ფიქრობდა, გადაწყვიტა, „აღარ გარისკოს“.

„უმრავლესობა გაკოტრებულია, რამდენიმე ბიზნესმენმა გადაწყვიტა, ვალი აიღოს და გახსნას ობიექტები. ამისთვის წინასწარ ლიცენზიის მიღების ყველა პროცედურა გაიარეს. ამის შემდეგ, ორ კვირაში ამ ხალხს ისევ მიადგნენ და თავისივე შემოწმებული ობიექტები დააჯარიმეს. ესაა უბრალოდ ბიზნესის დაშინება. ბევრმა ადამიანმა, ვინც ვალის აღებას და ბიზნესის ამუშავებას ფიქრობდა, გადაწყვიტა, რომ აღარ გარისკოს“, - განაცხადა შალვა ალავერდაშვილმა.

მისივე განცხადებით, პანდემიის შედეგად შექმნილი ვითარების გამო ტურიზმის ინდუსტრიაში 280 000-მდე ადამიანი უმუშევარი დარჩა.

რაც შეეხება საზღვაო კურორტებს, ალავერდაშვილის განცხადებით, 1996-1997 წლების პერიოდში დაბრუნდა საზღვაო კურორტები და სულ რამოდენიმე მცირე სასტუმრო მუშაობს.

ამასთან, როგორც შალვა ალავერდაშვილი აცხადებს, ტურიზმის ინდუსტრია საბანკო სესხების გადავადებას 1 წლით ითხოვს.

„რეალურად ყველა ბიზნესს სესხი აქვს. თუ ბანკებმა 1 წლით, 2021 წლის ივლისამდე არ გადაავადეს სესხები, ძალიან რთული იქნება გადახდა. მოლაპარაკება მიმდინარეობს. როგორც დავთვალეთ, იურიდიული პირების სესხები ტურიზმის ინდუსტრიაში 3 მილიარდი ლარია, ხოლო ფიზიკური პირების 1.5 მილიარდ ლარამდე. ამ სესხების პროცენტის გადახდის ერთი წლით გადავადებას 140 მილიონი დოლარი სჭირდება“,- აცხადებს შალვა ალავერდაშვილი.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 22.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს