ანტონიო გუტერეში - "კოვიდ 19"-ის გამო, მსოფლიოს 160 ქვეყანაში 1 მილიარდზე მეტი მოსწავლე და სტუდენტი დაზარალდა, 40-მა მილიონმა ბავშვმა კი სკოლამდელი ასაკის განათლების მიღება ვერ შეძლო

გაერო-ს გენერალური მდივანი, ანტონიო გუტერეში აცხადებს, რომ მაშინვე, როგორც კი ქვეყნების მიერ კორონავირუსის ადგილობრივი გავრცელების შემთხვევების გაკონტროლება მოხდება, მოსწავლეებისა და სტუდენტების სასწავლო დაწესებულებებში უსაფრთხოდ დაბრუნება მთავარი პრიორიტეტი უნდა გახდეს.

მისივე თქმით, კორონავირუსის პანდემიის გამო მსოფლიოს 160 ქვეყანაში ერთ მილიარდზე მეტი მოსწავლე და სტუდენტი დაზარალდა, სულ ცოტა 40-მა მილიონმა ბავშვმა კი სკოლამდელი ასაკის განათლების მიღება ვერ შეძლო.

„ამის შედეგად მსოფლიოს მასშტაბით, მთელი თაობა კატასტროფის წინაშე დგას, რამაც შესაძლოა, ათწლეულების განმავლობაში მიღწეული პროგრესი უკან დახიოს, შესაძლებლობების უდიდესი პოტენციალი დაკარგოს და არსებული უთანასწორობები კიდევ უფრო გააღრმავოს “, – განაცხადა ანტონიო გუტერეშმა.

მისივე თქმით, მსოფლიოსთვის ახლა გადამწყვეტი პერიოდია, რომელსაც ახალგაზრდებისა და ზოგადად, ქვეყნების მომავალზე გრძელვადიანი ზეგავლენა ექნება.

„იმ გადაწყვეტილებებს, რასაც ახლა მთავრობები და მშობლები ღებულობენ, ასობით მილიონ ახალგაზრდაზე, ისევე როგორც ქვეყნების განვითარების პერსპექტივებზე ხანგრძლივი ზეგავლენა ექნება,“- აღნიშნა გაერო-ს გენერალურმა მდივანმა.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
(სტერეოტიპული) წარმოდგენები ცვალებადი გარემოებების პირისპირ: იდეალიზმიდან რეალიზმისაკენ
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს