ირანში კორონავირუსის 2 751 ახალი შემთხვევა დადასტურდა და 212 ადამიანი გარდაიცვალა

ირანში, ბოლო 24 საათში, კორონავირუსის 2 751 ახალი შემთხვევა დადასტურდა და ინფიცირებულთა საერთო რაოდენობა 314 786-მდე გაიზარდა. ამის შესახებ ინფორმაციას CNN-ი ირანის ჯანდაცვის სამინისტროს მონაცემებზე დაყრდნობით ავრცელებს.

ტელეკომპანიის ცნობით, გასული დღე-ღამის განმავლობაში გამოვლენილი ახალი შემთხვევების რაოდენობა რეკორდულად მაღალი დღიური მაჩვენებელია ქვეყნისთვის უკანასკნელი ერთი თვის პერიოდში.

რაც შეეხება ფატალურ შემთხვევებს, ირანში კოვიდ-19-ს კიდევ 212 ადამიანის სიცოცხლე ემსხვერპლა და დაღუპულთა რიცხვმა, საერთო ჯამში, 17 617-ს მიაღწია.

შეგახსენებთ, რამდენიმე დღის წინ BBC-მ ანონიმურ წყაროზე დაყრდნობით გაავრცელა ინფორმაცია, რომლის თანახმადაც, ირანში კორონავირუსით დაღუპულთა რაოდენობა ოფიციალურ მონაცემებზე სამჯერ მეტია, დაინფიცირებულთა რიცხვი კი თითქმის 2-ჯერ მეტია იმ მაჩვენებელზე, რასაც ქვეყნის ჯანდაცვის სამინისტრო აქვეყნებს.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი