ალეკო ელისაშვილის განცხადებით, "ლეიბორისტული პარტიის" ოფისში ისინი იმიტომ იკრიბებოდნენ, რომ ქვეყანაში არჩევნები პროპორციული წესით ჩატარებულიყო.
როგორც ელისაშვილმა ჟურნალისტებს განუცხადა, ეს სახელმწიფოსთვის უმნიშვნელოვანესი საკითხი იყო.
"ჩვენ იქ დავდიოდით ერთადერთი საქმისთვის, სახელმწიფოებრივად უმნიშვნელოვანესი საკითხისთვის, რომ ჩვენს ქვეყანას ბოლოს და ბოლოს მიეღო პატიოსანი საარჩევნო წესი-პროპორციული არჩევნები, მეტ-ნაკლებად პატიოსანი წესი 120/30-ზე დამტკიცებულია",-განაცხადა ელისაშვილმა.
მისი თქმით, მათ სურდათ, რომ საერთო კანდიდატის ბრძოლისუნარიანობა კვლევების შედეგებით შეემოწმებინათ, თუმცა ელისაშვილის თქმით, ამ თემაზე ოპოზიციაში "ყური არავინ შეიბერტყა".
"საერთო კანდიდატებთან დაკავშირებით ჩვენ გვქონდა კონკრეტული შეთავაზება, მაგრამ ოპოზიციაში ყური არავინ შეიბერტყა. ჩვენ ვამბობდით, რომ მაგარია თუ სუსტი კანდიდატი, ამას რომელიღაც პოლიტიკური პარტიის ლიდერი კი ნუ გადაგვიწყვეტს, ჩავატაროთ კვლევა და თუ ის აჩვენებს, რომ ვიღაც არის მაგარი, ბრძოლისუნარიანი და აქვს უნარი, რომ "ქართული ოცნების" კანდიდატი დაამარცხოს, ის დადგეს მეთქი. ყური შეიბერტყა ვინმემ? არ შეიბერტყა", -განაცხადა ელისაშვილმა.