ისრაელის საგარეო საქმეთა მინისტრი - არ არსებობს მიზეზი, არ დავიჯეროთ გავრცელებული ინფორმაცია, რომ ბეირუთის აფეთქება შემთხვევითობა იყო

ისრაელის საგარეო საქმეთა მინისტრი გაბი აშკენაზი უარყოფს ნებისმიერ ვერსიას, რომლის თანახმადაც, ბეირუთში მომხდარ აფეთქებაზე შეიძლება, ისრაელი იყოს პასუხისმგებელი.

როგორც ადგილობრივ ტელევიზიასთან საუბრისას, მინისტრმა აღნიშნა, „არ არსებობს მიზეზი, არ დავიჯეროთ გავრცელებული ინფორმაცია, რომ აფეთქება შემთხვევითობა იყო“.

ამ თემაზე CNN ისრაელის ხელისუფლებაში ესაუბრა ორ მაღალჩინოსანს, რომლებმაც ასევე დაადასტურეს, რომ ისრაელი აღნიშნულში არ არის გარეული. მანამდე ბეირუთში მომხდარი აფეთქების ერთ-ერთ ვერსიად ისრაელის მიერ რადიკალურ დაჯგუფება „ჰეზბოლას“ საწყობზე იერიშის მიტანა დასახელდა.

შეგახსენებთ, ლიბანის დედაქალაქ ბეირუთში ძლიერი აფეთქება მოხდა, რის შედეგადაც დაიღუპა მინიმუმ 10 და დაშავდა ასობით ადამიანი, ასევე ჩაიმსხვრა ახლომდებარე შენობების მინები და ჩამოინგრა აივნები. ადგილობრივი მედია და უსაფრთხოების სამსახურები იუწყებიან, რომ აფეთქება ქალაქის საპორტო ნაწილში მოხდა, სადაც ასაფეთქებელი ნივთიერებების საწყობია. ჯერჯერობით უცნობია, თუ რამ გამოიწვია აფეთქება და რა სახის ასაფეთქებელი მასალები ინახებოდა საწყობში. ქვეყნის ჯანდაცვის მინისტრი აცხადებს, რომ დაშავებულთა რიცხვი დიდია, ზარალის რაოდენობა კი - მასშტაბური.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს