ბეირუთში მომხდარი ძლიერი აფეთქების შედეგად ლიბანში გაერო-ს დროებითი ძალების (UNIFIL) საზღვაო გემი დაზიანდა და რამდენიმე სამხედრო -საზღვაო მშვიდობისმყოფელი დაშავდა, - ამის შესახებ ინფორმაციას Reuters-ი ავრცელებს.
სააგენტოს ცნობით, გემი ბეირუთის პორტში იყო გაჩერებული. „ლიბანში გაეროს დროებით ძალებს დაშავებული მშვიდობისმყოფელები უახლოეს საავადმყოფოებამდე გადაჰყავთ,“- ნათქვამია UNIFIL-ის მიერ გავრცელებულ განცხადებაში.
შეგახსენებთ, ლიბანის დედაქალაქ ბეირუთის პორტის ტერიტორიაზე ძლიერი აფეთქება გუშინ მოხდა. ბოლო მონაცემებით, აფეთქების შედეგად დაიღუპა 78 და დაშავდა 4 000-ზე მეტი ადამიანი. ლიბანის ოფიციალური პირები აფეთქებას ასაფეთქებელი ნივთიერებების საწყობს უკავშირებენ.