ანრი ოხანაშვილი - ჩვენ ვართ ფხიზლად და ჩვენი საერთაშორისო პარტნიორების ჩართულობით ვდგამთ ნაბიჯებს

ჩვენ ვართ ფხიზლად და ჩვენი საერთაშორისო პარტნიორების ჩართულობით ვდგამთ ნაბიჯებს, რომელიც იქნება ამ საფრთხეების წინააღმდეგ,- ამის შესახებ პარლამენტის იურიდიულ საკითხთა კომიტეტის თავმჯდომარემ, ანრი ოხანაშვილმა ჟურნალისტებს განუცხადა, რითაც რუსეთის მხრიდან არსებულ საფრთხეებზე ამერიკის შეერთებული შტატების ყოფილი სახელმწიფო მდივნის, კონდოლიზა რაისის კომენტარს გამოეხმაურა.

ოხანაშვილის თქმით, საქართველო საერთაშორისო პარტნიორებთან ერთად დგამს ერთობლივ ნაბიჯებს, რათა ოკუპანტი ქვეყნისგან მომდინარე საფრთხეებს ებრძოლოს.

„ჩვენს საერთაშორისო პარტნიორებთან ერთად ყველაფერს ვაკეთებთ, რომ მაქსიმალურად ერთობლივი ნაბიჯებით, ღონისძიებებით, შეთანხმებული პოლიტიკით წინააღმდეგობა გავუწიოთ და ვებრძოლოთ იმ მომდინარე საფრთხეებს, რომელიც არსებობს საქართველოს მიმართ ოკუპანტი ქვეყნის მხრიდან. ჩვენ ვმოქმედებთ ჩვენს საერთაშორისო პარტნიორებთან ერთად, დიდი კონტრიბუცია შეგვაქვს ნატო-ს მისიაში. ჩვენ სწორედ საერთაშორისო პარტნიორების წინაშე აღებული ვალდებულებების და ჩვენი ქვეყნის ინტერესების შესაბამისად ვმოქმედებთ ჩვენს საერთაშორისო პარტნიორებთან ერთად. ასე რომ, რა თქმა უნდა, ეს არის პრობლემა, გამოწვევა, ნომერ პირველი საფრთხე ჩვენი ქვეყნისთვის”,- განაცხადა ოხანაშვილმა.

ცნობისთვის, ამერიკის შეერთებული შტატების ყოფილი სახელმწიფო მდივნის, კონდოლიზა რაისის განცხადებით, არახელსაყრელი საერთაშორისო გარემოებების მიუხედავად, საქართველომ საკუთარი დემოკრატია და ეკონომიკა თავად უნდა ააშენოს.

„თქვენ უნდა დაწეროთ თქვენი წესები და კანონები ეკონომიკური განვითარებისთვის. საერთაშორისო სისტემას შეუძლია დაგეხმაროთ, მაგრამ ყველაფერი იწყება შინ, კარგი მმართველობით”,- განაცხადა რაისმა.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს