იურიდიულ საკითხთა კომიტეტის თავმჯდომარის, ანრი ოხანაშვილის განცხადებით, „მმართველი გუნდის მაღალი რეიტინგის პირობებში, მნიშვნელოვანია, რომ საარჩევნო პროცესი რაც შეიძლება გამჭვირვალედ წარიმართოს“.

როგორც ოხანაშვილმა ეუთო/ოდირის საჭიროებების შეფასების მისიის წარმომადგენლებთან შეხვედრამდე ჟურანლისტებს განუცხადა, არსებობს მოლოდინი, რომ “დესტრუქციული კრიმინალური ოპოზიციური ჯგუფები” ბინძური კამპანიის წარმოებას შეეცდებიან.

“ჩვენი გუნდისთვის იმ მაღალი რეიტინგის პირობებში, რომელიც “ქართულ ოცნებას” აქვს, პრონციპულად მნიშვნელოვანია, რომ რაც შეიძლება გამჭვირვალედ წარიმართოს პროცესი, ვინაიდან გვაქვს მოლოდინი, რომ დესტრუქციული კრიმინალური ოპოზიციური ჯგუფები შეეცდებიან ძალიან ბინძური კამპანია აწარმოონ და შესაბამისად, ჩვენ ამისთვის გვჭირდება ჩვენი საერთაშორისო ორგანიზაციების მაქსიმალური ჩართულობა, რომ ეს ყველაფერი იყოს გამჭვირვალე და ჩვენმა პარტნიორებმა, საერთაშორისო ორგანიზაციებმა და რაც მთავარია, ჩვენმა საზოგადოებამ ნახოს, როგორი იქნება განსხვავება “ქართული ოცნების” კამპანიასა და დესტრუქციული ოპოზიციური ჯგუფების მიერ წარმოებულ კამპანიას შორის”, - განაცხადა ოხანაშვილმა.