მარინა ეზუგბაია -კორონავირუსის 15 ახალი შემთხვევიდან 4 გაჩიანიდანაა, 3 შემოტანილია, 4 არის ინფიცირებულების კონტაქტებიდან, 1 სამედიცინო პერსონალია და 3-ზე კვლევა გრძელდება

ინფექციური საავადმყოფოს სამედიცინო დირექტორის, მარინა ეზუგაბიას განცხადებით, კორონავირუსის 15 ახალი შემთხვევიდან 4 არის სოფელი გაჩიანიდან, 3 არის შემოტანილი შემთხვევა, 4 პაციენტი არის კონტაქტებიდან, ერთი სამედიცინო პერსონალი, ხოლო 3 შემთხვევაზე გრძელდება ეპიდკვლევა.

ეზუგბაიას თქმით, დღევანდელი მონაცემებით, „კოვიდ ცენტრებში“ 244 პაციენტი მკურნალობს.

„4 პაციენტი არის გაჩიანიდან, 3 არის შემოტანილი შემთხვევა, აქედან ერთია სატვირთო ავტომობილის მძღოლი. ერთი გახლავთ სამედიცინო პერსონალი, 4 არის კონტაქტებიდან და 3 დადასტურებულ შემთხვევაზე გრძელდება ეპიდკვლევა კონტაქტების და წყაროს დადგენის თვალსაზრისით. აგვისტოს პირველი რიცხვიდან დღემდე 26 ახალი შემთხვევა იყო, გამოჯანმრთელებული კი 27. კოვიდი არ მიდის არსად, ცხოვრობს ჩვენთან ერთად და იმისთვის, რომ ეს მონაცემები არ იყოს დიდი და შემაშფოთებელი, აუცილებელა ყველა რეგულაციის შესრულება“, - განაცხადა ეზუგბაიამ.

რაც შეეხება თბილისის ინფექციურ საავადმყოფოს, ეზუგბაიას ინფორმაციით, კლინიკაში კორონავირუსით ინფიცირებული 40 პაციენტი მკურნალობს.

„დაგვემატა 5 ახალი პაციენტი. სამი არის გაჩიანიდან, ერთი არის შემოტანილი შემთხვევა, ხოლო ერთი შემთხვევა არის საკარანტინო სივრცეში დადასტურებული. მათი მდგომარეობა საშუალო სიმძიმისაა“, - განაცხადა ეზუგბაიამ.

იხილეთ ვიდეო: რომელ კლასტერებს უკავშირდება კორონავირუსის 15 ახალი შემთხვევა

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 22.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს