თამარ ბაჩალიაშვილის დედა - საქმეში ფედერალური ბიუროს მხოლოდ კონსულტანტის როლში ჩართვა ოჯახისთვის მიუღებელია და FBI-მ საქმე დეტალურად უნდა გამოიძიოს

თამარ ბაჩალიაშვილის მშობლები და ოჯახის ადვოკატი შინაგან საქმეთა სამინისტროში მივიდნენ.

როგორც ჟურნალისტებთან საუბარში ბაჩალიაშვილის დედამ, თეონა თამაზაშვილმა განმარტა, შსს-ში მისი შვილის საქმეში FBI-ს ჩართულობის საკითხის განსახილველად დაიბარეს.

თამარ ბაჩალიაშვილის დედის თქმით, საქმეში ფედერალური ბიუროს კონსულტანტის როლში ჩართვა ოჯახისთვის მიუღებელია და FBI-მ საქმე დეტალურად უნდა გამოიძიოს.

„მე გუშინ განვაცხადე, რომ იმაზე იქნებოდა დამოკიდებული, რამდენად ჩართავდნენ საქმეში FBI-ს და ამის გამო მოვედი უწყებაში, სხვა შემთხვევაში მოსვლას არ ვაპირებდი. ახლა გააჩნია FBI-ს რა დონეზე ჩართავენ, რაღაც კონსულტაციების დონეზე ნამდვილად არ მაწყობს. თავიდან ბოლომდე, დაწყებული დაკარგვის დღიდან და დამთავრებული დღემდე, FBI უნდა იყოს საქმის ყველა დეტალში ჩართული. ფედერალურმა ბიურომ აბსოლუტურად ყველაფერი უნდა გამოიკვლიოს - რატომ დაიკარგა თამარი, რატომ ვერ მოიძებნა 5 დღის მანძილზე, რატომ წაიშალა კომპიუტერში ყველაფერი და გასუფთავდა. ანალოგიურად მანქანაც უნდა შემოწმდეს, რადგან მანქანა ჯერ არ არის გახსნილი და ველოდებით ფედერალური ბიუროს ჩამოსვლას და ისე გაიხსნება. მაღალჩინოსნებთან არის დაკავშირებული ამდენი ხარვეზი რომ არის გამოძიებაში და არცერთ კითხვაზე პასუხი რომ არ გაუციათ“, - განაცხადა თეონა თამაზაშვილმა.

იხილეთ ვიდეო: საქმეში ფედერალური ბიუროს მხოლოდ კონსულტანტის როლში ჩართვა ოჯახისთვის მიუღებელია და FBI-მ საქმე დეტალურად უნდა გამოიძიოს - თამარ ბაჩალიაშვილის დედა

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი