თამარ ბაჩალიაშვილის დედის განცხადებით, ბაჩანა ლობჟანიძე, რომელიც აცხადებს, რომ მისი შვილის შეყვარებული იყო, „ციდანაა მოფრენილი“

ბაჩანა ლობჟანიძე ერთხელ იყო ჩვენთან სახლში, - ამის შესახებ გარდაცვლილი თამარ ბაჩალიაშვილის დედამ, თეონა თამაზაშვილმა ჟურნალისტებთან საუბრისას განაცხადა.

თეონა თამაზაშვილის თქმით, ბაჩანა ლობჟანიძე, რომელიც აცხადებს, რომ თამარ ბაჩალიაშვილის შეყვარებული იყო, „ციდანაა მოფრენილი“.

„ვიღაცაა ციდან მოფრენილი. ერთხელ იყო, როდესაც ჩემმა ბიძაშვილმა მოიყვანა, თამუნას შეყვარებული ვიყავიო, ერთხელ იყო ჩვენთან სახლში“, - განაცხადა თეონა თამაზაშვილმა.

ინფორმაციისთვის, ჟურნალისტი ელისო კილაძე სოციალურ ქსელში ახალგაზრდა მამაკაცთან ინტერვიუს ავრცელებს, რომელიც აცხადებს, რომ თამარ ბაჩალიაშვილის შეყვარებული იყო. იგი ჟურნალისტს ბაჩანა ლობჟანიძის სახელით ეცნობა. მისი თქმით, 23 წლის პროგრამისტი 2015 წლის სექტემბერში, უნივერსიტეტში გაიცნო. მამაკაცის განცხადებით, არ იცნობდა თამარ ბაჩალიაშვილის ოჯახს, წყვილს არ ჰყავდა საერთო სამეგობრო და გოგონას მხოლოდ რამდენიმე მეგობარს იცნობდა. რაც შეეხება შეკითხვას, რა გააკეთა, როცა შეყვარებულის გაუჩინარების შესახებ გაიგო, მამაკაცის თქმით, გოგონას დაკარგვის შესახებ გაუჩინარებიდან 3 დღის შემდეგ გაიგო, თუმცა ბაჩალიაშვილისთვის არც მიუწერია და არც დაურეკავს, არც ოჯახში მისულა და არც სამძებრო სამუშაოებში ჩართულა.

"მე 27-ში ვკითხე, წამოხვედი სამსახურიდან თუ არათქო. გაუჩინარებამდე ერთი დღით ადრე აქვს ჩემი მესიჯი ნანახი, თუმცა პასუხი არ აქვს დაბრუნებული. ჩვენ შეთანხმებული ვიყავით, რომ სამსახურში ბოლო შეკვეთებს მორჩებოდა და უნდა წამოსულიყო. თამარს რომ ეთქვა ჩემთვის, იქიდან წამოვედიო, ვნახავდი და აღარაფერი მოხდებოდა...

რატომ უნდა მომეძებნა? ჩემი სახსრებით არაფერი შემეძლო. ვერსად მოვძებნიდი, სახლში ვერ მივიდოდი. მშობლებს არ ვიცნობ­დი. სახლში ნამყოფი მანამდე არ ვყოფილვარ. რა უნდა გამეკეთებინა იმ მომენტში? ვეცნობოდი, რა მოხდა...

მობილურით ერთმანეთს არ ვეკონტაქტებოდით, რატომ უნდა დაგვერეკა? როდესაც არსებობს სოციალური ქსელები", - აცხადებს ის ინტერვიუში.

შეგახსენებთ იმასაც, რომ თამარ ბაჩალიაშვილი 18 ივლისს გაუჩინარდა. ახალგაზრდა პროგრამისტი სათვალთვალო კამერებმა ბოლოს თეთრიწყაროს რაიონში დააფიქსირეს. ის 5-დღიანი ძებნის შემდეგ თეთრიწყაროს ტყესთან, საკუთარ მანქანაში გარდაცვლილი იპოვეს.

ბაჩალიაშვილის საქმეზე გამოძიება თავისუფლების უკანონო აღკვეთის მუხლით დაიწყო, შემდეგ კი ბრალდების კვალიფიკაციას თვითმკვლელობამდე მიყვანის მუხლი დაემატა.

იხილეთ ვიდეო: თამარ ბაჩალიაშვილის დედის განცხადებით, ბაჩანა ლობჟანიძე, რომელიც აცხადებს, რომ მისი შვილის შეყვარებული იყო, „ციდანაა მოფრენილი“

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია