ამირან გამყრელიძის ინფორმაციით, ლილოს, დინამოსა და ელიავას ბაზრობებზე ტესტირების შედეგად კორონავირუსით ინფიცირების სულ 6 შემთხვევა გამოვლინდა

დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით, ლილოს ბაზრობაზე 4731 ადამიანს ჩაუტარდა ტესტირება, საიდანაც 6 მათგანს კორონავირუსი დაუდასტურდა.

როგორც გამყრელიძემ აღნიშნა, ტესტირებები ჩატარდა ასევე დინამოსა და ელიავას ბაზრობებზეც.

„ლილოს ბაზრობაზე ტესტირება ჩაუტარდა ყველას, ვინც ამ ეტაპზე მუშაობდა იმიტომ, რომ ზოგიერთმა მათგანმა დაკეტა სავაჭრო ობიექტები. გამოკვლეულთაგან 6 ინფიცირებული ადამიანი იქნა გამოვლენილი პირველ ორ დღეში, შემდეგ აღარ გვქონია ინფიცირების შემთხვევები. 6 დაინფიცირებულის კონტაქტები ანუ ლილოს ბაზრობასთან კვეთა ვისაც ჰქონდა, ასეთი სულ არის 13 ადამიანი. ეს იყო ერთი ოჯახი, რომელიც უკავშირდება მე-16 გარდაცვლილს და ამ ოჯახურ კლასტერს ჰქონდა ლილოს ბაზრობასთან კავშირი. ამის გარდა, შემთხვევითი შერჩევის პრინციპით ტესტირება ჩავატარეთ დინამოს და ელიავას ბაზრობებზე, სადაც 500-500 ადამიანის გამოკვლევა იქნა დაგეგმილი. დინამოს ბაზრობაზე შერჩეული 500 ადამიანიდან 487 გამოვიკვლიეთ და არც ერთი არ იყო დადებითი შემთხვევა. ელიავას ბაზრობაზე გამოვიკვლიეთ 436 ადამიანი და აქ პირველი ორი დღის შედეგები იყო უარყოფითი და მესამე დღის შედეგები იქნება დღეს. დიდი იმედი მაქვს, რომ ეს ბაზრობაც ეპიდსიტუაციის თვალსაზრისით იქნება კეთილსაიმედო“, - განაცხადა გამყრელიძემ.

მისივე თქმით, საკოორდინაციო საბჭო მუშაობს ჯანდაცვის სისტემის მზადყოფნის გეგმაზე კორონავირუსის შემდეგი ტალღებისთვის.

„ახლა ჩვენ ვმუშაობთ სერიოზულ გეგმაზე, ეს არის ე.წ ჯანდაცვის სისტემის მზადყოფნის გეგმა მეორე, მესამე და შემდგომი ტალღებისთვის ანუ ძირითადად შემოდგომის და იქ გათვალისწინებულია ძალიან ბევრი ნიუანსი. იქ არის როგორც ეპიდზედამხედველობა, ტესტირება, ჰოსპიტლების მზადყოფნა, ასევე, ქვეყანაში დაახლოებით რამდენმა ადამიანმა გადაიტანა და რა არის დაახლოებით ინფექციის გავრცელების მაჩვენებელი“, - განაცხადა გამყრელიძემ.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს