მიხეილ რამიშვილის განცხადებით, თუ თამარ ბაჩალიაშვილის მანქანის გახსნა და ექსპერტიზა FBI-ს ექსპერტების გარეშე მოხდება, ამას ოჯახის მხრიდან პროტესტი მოყვება

თაბარ ბაჩალიაშვილის ოჯახის ადვოკატის, მიხეილ რამიშვილის განცხადებით, თუ ავტომანქანის გახსნა და ექსპერტიზის ჩატარება ფედერალური ბიუროს ექსპერტების გარეშე მოხდება, ამას ოჯახის მხრიდან დიდი პროტესტი მოყვება.

ადვოკატის თქმით, გამოძიების ინტერესებშიც უნდა შედიოდეს, რომ FBI-ს ექსპერტების გარეშე მანქანა არ გაიხსნას.

„საქმეში ფედერალური ბიუროს ჩართულობაზე დაკმაყოფილება ჯერ შორს არის იმიტომ, რომ ეს მოხდა იმის შემდეგ, რაც მე პირადად მივმართე აშშ-ს საელჩოს წერილობით, როდესაც მოვითხოვე ფედერალური ბიუროს ჩართულობა, მაგრამ მათი მხრიდან მხარდაჭერა იმას არ ნიშნავს, რომ ეს აუცილებლად იქნება იმ ფორმით, რა ფორმითაც ჩვენ გვინდა. ამაში უნდა ჩაერთოს გენერალური პროკურორი ბატონი შოთაძე. დღეს ალბათ შევხვდებით ხელმძღვანელობას, მაგრამ ამის შემდეგ მთავარი იქნება ირაკლი შოთაძესთან შეხვედრა.

მე არ მინდა ეს იყოს ისეთი ფორმით, რომ მხარდაჭერას გიცხადებ და მოდი დაველოდოთ, არანაირი ლოდინის რეჟიმი არ იქნება, ზუსტი ვადები უნდა იყოს გარკვეული. რაც შეეხება ავტომობილს, ის დალუქულია, გავარკვევთ ფედერალური ბიუროდან როდის ჩამოვლენ ექსპერტები. გამოძიების ინტერესშიც უნდა იყოს, რომ მერე რაიმე საუბარი არ მოყვეს ამას. მე დარწმუნებული ვარ, რომ ძალიან დიდი პროტესტი მოყვება ოჯახის წევრებისგან ავტომობილის ფედერალური ბიუროს ექსპერტების გარეშე გახსნას და ექსპერტიზის ჩატარებას“, - განაცხადა რამიშვილმა.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია