6 აგვისტოს თბილისის საკრებულოში თბილისის მერიის მუზეუმების გაერთიანების გამოცემის – „ილია და თბილისის“ – წარდგენა გაიმართება. ამის შესახებ „ინტერპრესნიუსს“ მუზეუმების გაერთიანებიდან აცნობეს.
მათივე ცნობით, თბილისის მუზეუმების გაერთიანება გარდა სამუზეუმო, სამეცნიერო და საგანმანათლებლო მიმართულებისა, აქტიურად მუშაობს საგამომცემლო მიმართულებით.
„ილია და თბილისი“ მუზეუმების გაერთიანების რიგით მეშვიდე გამოცემაა, რომელიც სერია „თბილისის“ მეორე წიგნია. სერიის პირველი გამოცემა საზოგადოებისთვის უკვე კარგად ცნობილი – „გალაკტიონი და თბილისია“. ახალ გამოცემას თბილისის მუზეუმების გაერთიანების გენერალური დირექტორი, ნინი სანადირაძე, წარადგენს“, - ნათქვამია ინფორმაციაში.
ამასთან, გაერთიანების გენერალური დირექტორი დამსწრე საზოგადოებას თბილისის მუზეუმების გაერთიანების მუშაობის 4 წლის ანგარიშს, მუზეუმების გაერთიანების განახლებულ ვებგვერდსა და მომდევნო 4 წლის სამუშაო სტრატეგიას წარუდგენს.