დიმიტრი ცქიტიშვილის განცხადებით, სააკაშვილი საქართველოს ყოფილი პრეზიდენტია და ქართულ პოლიტიკაში ჩარევას ვერავინ აუკრძალავს

პარლამენტის ფრაქცია „დამოუკიდებელი დეპუტატების” წევრის, დიმიტრი ცქიტიშვილის განცხადებით, გამომდინარე იქიდან, რომ მიხეილ სააკაშვილი საქართველოს ყოფილი პრეზიდენტია, ქართულ პოლიტიკაში ჩარევას ვერავინ აუკრძალავს.

როგორც ცქიტიშვილმა ჟურნალისტებს განუცხადა, საქართველოში პოლიტიკურ პროცესებში სააკაშვილის ჩარევა ყოველთვის დესტრუქციას იწვევს და ეს არც თავად მისთვისაა წარმატებული.

„მას უკრაინაში არ აქვს მაღალი პოლიტიკური თანამდებობა. ის არის უკრაინის მოქალაქე, მაგრამ ის არის საქართველოს ყოფილი პრეზიდენტი. მას ვერავინ აუკრძალავს ჩარევას. თუმცა მისი ჩარევა ყოველთვის გარკვეულ დესტრუქციას იწვევს. ეს არასასიამოვნოა. ვერ ვიტყვი, რომ მის ჩარევას რაიმე წარმატება მოაქვს მისთვისაც კი. ასე რომ, მე არ ვიცი, რას აპირებს, როგორ აპირებს. კარგი იქნება, თუ ჩამოყალიბდება. ცოტა უხერხულობას მიქმნის, რომ ჩვენი ქვეყნის ყოფილი პრეზიდენტი გაურკველობაშია, რომელი ქვეყნის პრემიერი გახდეს, რომელი ქვეყნის პოლიტიკაში ჩაერიოს. ჩემთვის ეს ცოტა არასასიამოვნოა. მისი გადასაწყვეტია, როგორ მოიქცევა და რამდენად შეურაცხყოფას მიაყენებს თავის თავს და თავის ქვეყანას”,- განაცხადა ცქიტიშვილმა.

ცნობისთვის, გუშინ ტელეკომპანია „პირველის” ეთერში კითხვაზე, შესაძლოა თუ არა, რომ მიხეილ სააკაშვილი საქართველოში პრემიერ-მინისტრობის კანდიდატად განიხილონ, სააკაშვილმა თქვა, რომ „როგორ იქნება და რა იქნება, ამას გაარკვევს ქართველი ხალხი”.

მისივე თქმით, შესაძლოა, ის ევროპის ყველაზე დიდ ქვეყანაში პრემიერობის კანდიდატი იყოს.

„მე ვარ ძალიან მნიშვნელოვანი ფუნქციის მატარებელი უკრაინაში. ამიტომ, საუბარი იმაზე, რომ მე ახლა ვიღაცას შევატენო ჩემი თავი რაღაცის კანდიდატურად, სასაცილო და დამაბნეველია”,- განაცხადა სააკაშვილმა.

თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
ქართული პრესის მიმოხილვა 16.09.2021
იოსებ ბარათაშვილი - თუ უმოკლეს ვადებში არ გამოქვეყნდა რა აუცილებლობით კეთდებოდა ფარული ჩანაწერები, ხელისუფლებას მოუწევს პასუხისმგებლობის აღება ძალზე მძიმე ბრალდებაზე
ნიუ ვიჟენ უნივერსიტეტი საზოგადოებას კინემატოგრაფიაში ამერიკულ სამაგისტრო პროგრამას სთავაზობს
კრიპტალი მომხმარებლებს 1 მილიონ შიბა ინუს (ელექტრონული ფული) ჩუქნის
BDO Digital-ი SWIFT-ის ოფიციალური პარტნიორი გახდა
BDO Digital-ი კომპანიებს აქტივების მართვის თანამედროვე გადაწყვეტას სთავაზობს