ბადრი ჯაფარიძე - „ლელო საქართველოსთვის“ სტრატეგია და პრინციპები უცვლელია

„ლელო საქართველოსთვის“ გენერალურმა მდივანმა ბადრი ჯაფარიძემ მიმდინარე პოლიტიკურ პროცესებსა და ამ პროცესში ოპოზიციური პარტიების როლზე ისაუბრა. მისი თქმით, „ლელო საქართველოსთვის“ სტრატეგია და პრინციპები უცვლელია და „ქართული ოცნების“ დამარცხების მიზნით, ოპოზიციურ კოლეგებთან კოორდინაცია ძალაში რჩება.

პარტიის ინფორმაციით, „ლელო საქართველოსთვის“ რამდენიმე დღეში დაასრულებს მაჟორიტარ კანდიდატთა შერჩევის პროცესს. პარტიის მაჟორიტართა წარდგენის ოფიციალური ღონისძიება უახლოესი ორი კვირის განმავლობაში გაიმართება.

როგორც „ლელოს“ გენერალური მდივანი და საბურთალოს მაჟორიტარობის კანდიდატი ბადრი ჯაფარიძე აცხადებს, „ლელო“ არის ახალი თანამედროვე ტიპის პოლიტიკური ორგანიზაცია, რომელიც გასული წლის დეკემბერში დაფუძნდა.

„ამ მოკლე პერიოდში, ფაქტობრივად, პარალელურ რეჟიმში, მიმდინარეობს: ახალი ტიპის, პოლიტიკური პარტიის მშენებლობა, მზადება არჩევნებისთვის და ძლიერი კომპეტენტური მაჟორიტარების შერჩევა.

ჩვენ მთელს საქართველოში გვეყოლება მაჟორიტარი კანდიდატები, თუმცა, „ქართულიოცნების“სრული დამარცხების მიზნით, ყველა იმ ოპოზიციურ პარტიასთან, რომელიც დასავლურ ღირებულებებს იზიარებს, აუცილებლად გვექნება კოორდინაცია და თანამშრომლობა. ამ ტიპის პროცესს მოძველებულ აზროვნებაში „დათმობას“ეძახიან, რაც სრულიად არა ადეკვატური შეფასებაა. დროა, ქართულ პოლიტიკაში ვიხმაროთ და დავამკვიდროთ სწორი ტერმინები, გავაკეთოთ სწორი შეფასებები და, რაც მთავარია, ვიმოქმედოთ ტაქტიკური სვლებით, რომ დავამარცხოთ „ქართული ოცნება“ დაჩვენი ქვეყნის სასარგებლოდ მოვიპოვოთ გამარჯვება. მე, როგორც საბურთალოს მაჟორიტარობის კანდიდატი, ხაზგასმით ვაცხადებ, რომ პატივს ვცემ ყველა წარმოდგენილ პიროვნებას ამ ოლქში, თუმცა ჩვენი კონკურენტი, პირველ რიგში, არის "ქართული ოცნება" - სიღატაკე, გაჭირვება და ჭაობი, რომელშიც ქვეყანა "ქართულმა ოცნებამ" შეიყვანა. ამ კრიზისიდან გამოსვლის მიზნით, იმისთვის, რომ ახალი დღის წესრიგის შესაძლებლობა გაჩნდეს საბურთალოსა და დანარჩენი საქართველოსთვის, ვფიქრობ, ჩემს გუნდთან ერთად უპირატესობა ნამდვილად მაქვს.

საბურთალოს საარჩევნო ოლქში ჩვენ უნდა შევქმნათ ძალიან კარგი მაგალითი იმისთვის, რომ კანდიდატები ერთმანეთს შევეჯიბროთ ხედვებით და გამოცდილებით. ჩემი სურვილია ის პრეცედენტები და ჯანსაღი პროცესები, რომელიც მინდა შევქმნა ქვეყნისთვის, საბურთალო იყოს ამ ერთიანი ცვლილებების ავანგარდში“, - აცხადებს ბადრი ჯაფარიძე.

ბადრი ჯაფარიძის განცხადებას პოლიტიკური მოძრაობა „ლელო საქართველოსთვის“ ავრცელებს.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი