ერთად დააყენებენ კანდიდატურებს თუ ცალ-ცალკე, არაფერს რომ დაუმატო არაფერი, ჯამში გამოვა არაფერი,- ამის შესახებ პარლამენტის ვიცე -სპიკერმა გია ვოლსკიმ ჟურნალისტებს განუცხადა. როგორც ის აღნიშნავს, ოპოზიციურ პარტიებს აერთიანებთ დესტრუქციის სურვილი, მაგრამ ამბიციები აშორებთ ერთმანეთისგან.
„ჩუღურეთელებსაც და დიდუბელებსაც კარგად ახსოვთ, როგორ მიხედა „ნაციონალურმა მოძრაობამ” ამ რაიონებს. რა სერიოზული პრობლემები დაგვიტოვა, რომელიც დღემდე მოგვყვება და რომელი პოლიტიკური ძალაა, რომელიც საქართველოს სამშვიდობოზე გაიყვანს. აქედან გამომდინარე, ვფიქრობ, უპერსპექტივობა განაპირობებს ამ აჭრილ სიტუაციას. მათ აერთიანებთ დესტრუქციის სურვილი, მაგრამ მათ ამბიციები სერიოზულად აშორებთ ერთმანეთისგან და კიდევ ერთხელ აკეთებენ იმის დემონსტრირებას, რა შეიძლება დაემართოს ქვეყანას, თუ ისინი ერთობლივად რაიმე მართვის სათავეს ჩაიგდებენ ხელში”,- განაცხადა ვოლსკიმ.
კითხვაზე, როგორ აფასებს საკუთარ შანსებს არჩევნებზე ოპოზიციასთან შედარებით, ვოლსკი ამბობს, რომ „კარგად”.