გედევან ფოფხაძე - ყველა განცხადება, რომელსაც სააკაშვილი აკეთებს, არის ივანიშვილის მხარდაჭერა და „ქართული ოცნების” ხელისუფლებაში დატოვების მცდელობა

პარტიის „ჩვენი საქართველო-სოლიდარობის ალიანსის” ერთ-ერთი ლიდერის, გედევან ფოფხაძის განცხადებით, მიხეილ სააკაშვილის ყველა განცხადება „ქართული ოცნების” სასარგებლოდაა.

ფოფხაძის თქმით, ქართველი ხალხი არ დაუშვებს „ნაციონალური მოძრაობის“ რევანშს.

„მიმაჩნია, რომ ყველა განცხადება, რომელიც კეთდება სააკაშვილის მხრიდან, არის ბიძინა ივანიშვილის მხარდაჭერა და „ქართული ოცნების” ხელისუფლებაში დატოვების მცდელობა. ამომრჩეველი არ დაუშვებს „ნაციონალების“ რევანშს, ეს ყველამ კარგად ვიცით.

მგონია, რომ ეს განცხადებები საბოლოო ჯამში არ იქნება აქტუალური იმიტომ, რომ ფორმულა - არა „ნაცების” რევანშს, მაგრამ „ოცნება” უნდა წავიდეს, არის მთავარი ფორმულა, რომლითაც უნდა ისარგებლოს ამომრჩეველმა. საბოლოო ჯამში, ქართველი ხალხის არჩევანი იქნება გამომდინარე ამ პრინციპიდან: მიშას დაბრუნება არ შეიძლება, მაგრამ ივანიშვილი უნდა წავიდეს”,- განაცხადა ფოფხაძემ.

ცნობისთვის, გუშინ ტელეკომპანია „პირველის” ეთერში კითხვაზე, შესაძლოა თუ არა, რომ მიხეილ სააკაშვილი საქართველოში პრემიერ-მინისტრობის კანდიდატად განიხილონ, სააკაშვილმა თქვა, რომ „როგორ იქნება და რა იქნება, ამას გაარკვევს ქართველი ხალხი”.

„ყველა პარტია დაასახელებს თავის პრიორიტეტს და ამასაც ვნახავთ”,- განაცხადა სააკაშვილმა.

მისივე თქმით, შესაძლოა ის ევროპის ყველაზე დიდ ქვეყანაში პრემიერობის კანდიდატი იყოს.

„მე ვარ ძალიან მნიშვნელოვანი ფუნქციის მატარებელი უკრაინაში. ამიტომ, საუბარი იმაზე, რომ მე ახლა ვიღაცას შევატენო ჩემი თავი რაღაცის კანდიდატურად, სასაცილო და დამაბნეველია”,- განაცხადა სააკაშვილმა.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
სტერეო +  განცხადებას ავრცელებს
„სს ფუდმარტი“ რიგით მე-500 მაღაზიას ხსნის
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა