ექიმები დაკავებულ კოლეგებს მხარდაჭერას უცხადებენ და სასამართლოს სთხოვენ, მათ მიმართ აღკვეთის ღონისძიების სახით პატიმრობა არ გამოიყენოს

თბილისის საქალაქო სასამართლოში, სადაც „თბილისის ცენტრალური საავადმყოფოს" დირექტორისა და ამავე კლინიკის ექიმის სასამართლო პროცესი უნდა გაიმართოს, ექიმები არიან შეკრებილი. ისინი „თბილისის ცენტრალური საავადმყოფოს“ დირექტორსა და ამავე კლინიკის ექიმს მხარდაჭერას უცხადებენ და მოითხოვენ, რომ მათ წინააღმდეგ აღკვეთი ღონისძიების სახით პატიმრობა არ იქნას გამოყენებული.

„ერთმნიშვნელოვნად ყველა თანხმდება, რომ წინასწარი პატიმრობის მოთხოვნა არ იყოს გამოყენებული, ვინაიდან ორი წელიწადია გრძელდება ეს პროცესი, ყველაფერი ცხადია გამოძიებისთვის, ყველა თანამშრომლობს. ჩვენ გვჯერა, რომ ეს ადამიანები უდანაშაულონი არიან, სისხლის სამართლებრივი დანაშაული მათ არ ჩაუდენიათ და დაე, სასამართლომ გადაწყვიტოს ღია პროცესზე ეს ყველაფერი. ხოლო წინასწარი პატიმრობა ჩვენი აზრით, არის გაუმართლებელი და ჩვენმა გაერთიანებამ შუამდგომლობითაც მიმართა საქალაქო სასამართლოს, რომ გამოყენებული იქნას გირაო და არ იყოს წინასწარი პატიმრობა შეფარდებული,“- განაცხადა სამედიცინო ასოციაციების გაერთიანების აღმასრულებელმა მდივანმა არჩილ მორჩილაძემ.

შეგახსენებთ, პროკურატურის ინფორმაციით, თბილისის პროკურატურის საგამოძიებო სამმართველოს თანამშრომლებმა, სამსახურეობრივი გულგრილობის, სამსახურებრივი მდგომარეობის გამოყენებით თაღლითობისა და უკანონო საექიმო საქმიანობის ფაქტზე, მოსამართლის განჩინების საფუძველზე, „თბილისის ცენტრალური საავადმყოფოს" დირექტორი გ.ლ. და ამავე კლინიკის ექიმი ვ.ყ. დააკავეს, ხოლო უკანონო საექიმო საქმიანობის ფაქტზე მ.ხ.-ს მიმართ დაუსწრებლად იქნა გამოტანილი დადგენილება ბრალდებულად პასუხისგებაში მიცემის შესახებ.

პროკურატურის ინფორმაციით, „თბილისის ცენტრალურ საავადმყოფოში“ პაციენტს ოპერაცია იტალიიდან მოწვეული ექიმების ნაცვლად, შესაბამისი ლიცენზიის არმქონე პირებმა გაუკეთეს.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი