ევროკავშირმა მაღალ დონეზე გაწვრთნილი 100 მეხანძრე სახანძრო მანქანებით, ძაღლებითა და სპეციალური აღჭურვილობები ლიბანის დედაქალაქ ბეირუთში გააგზავნა, - ამის შესახებ კრიზისის მართვის საკითხებში ევროკომისრის, ჯანეზ ლენარიჩის, მიერ გავრცელებულ განცხადებაშია აღნიშნული.
„ვიზიარებთ ლიბანელი ხალხის შოკსა და მწუხარებას და ამ რთულ პერიოდში ევროკავშირი მათ სრულ მხარდაჭერას სთავაზობს“, - აცხადებს ევროკომისარი.
მისივე თქმით, ლიბანელი ხალხისთვის დახმარების გაწევის სურვილი ნიდერლანდებმა, საბერძნეთმა, ჩეხეთმა, საფრანგეთმა, პოლონეთმა და გერმანიამ უკვე გამოთქვეს.
შეგახსენებთ, ბეირუთში 4 ივლისს მომხდარი ძლიერი აფეთქების შედეგად დაღუპულთა რაოდენობა 100-მდე, ხოლო დაშავებულთა რიცხვი 4 000-მდე გაიზარდა. ოფიციალური ინფორმაციით, 300 000-მდე ადამიანი უსახლკაროდ დარჩა.