თამარ ბაჩალიაშვილის ოჯახის ადვოკატის განცხადებით, საგამოძიებო უწყებას გადაწყვეტილი აქვს, გამოძიება თვითმკვლელობის მიმართულებით წაიყვანოს

გარდაცვლილი თამარ ბაჩალიაშვილის ოჯახის ადვოკატის მიხეილ რამიშვილის განცხადებით, საგამოძიებო უწყებას გადაწყვეტილი აქვს, რომ გამოძიება თვითმკვლელობის მიმართულებით წაიყვანოს.

აღნიშნული განცხადება მიხეილ რამიშვილმა გენერალურ პროკურატურასთან გააკეთა, სადაც გარდაცვლილის ოჯახთან ერთად იმყოფება. ადვოკატი გენერალურ პროკურორს, ირაკლი შოთაძეს მიმართავს, გამოძიებაში ფედერალური ბიუროს ჩართვასთან დაკავშირებით გადაწყვეტილება მიიღოს.

„მთელი ლეპტოპი არის აბსოლუტურად გაუბედურებული. წაშლილია ყველაფერი და ეს არის მიმართება და გზა იქითკენ, რომ ამათ გადაწყვეტილი აქვთ, არ გამოიძიონ საქმე და პირდაპირ ამყარებს ინფორმაციას, რომ ხელს აფარებენ ამ ბავშვის მიერ იმ ინფორმაციის ფლობას და მკვლელობას, რაც მის მიმართ იქნა გამოყენებული. გადაწყვეტილება აქვთ მიღებული, რომ არანაირი გამოძიება არ ჩატარდეს, არანაირი ჯგუფი არ გამოვლინდეს, ვინც მკვლელობა ჩაიდინა და აქვთ გადაწყვეტილება მიღებული, რომ თვითმკვლელობის იქით არაფერს გამოიძიებენ.

მივმართავ გენერალურ პროკურორს. თუ მორალური, ზნეობრივი და ადამიანური თვისების ერთი მარცვალი მაინც აქვთ დარჩენილი, მიიღონ გადაწყვეტილება”,- განაცხადა რამიშვილმა.

ადვოკატი ვარაუდობს, რომ შესაძლოა, შსს-ს ფედერალურ ბიუროში გამოძიებაში ჩართვასთან დაკავშირებით წერილი არც გაუგზავნია.

„მას შემდეგ რაც FBI-ის ჩართვა მოვითხოვეთ, ვითომდა შსს მზად იყო. რომ მოვითხოვეთ, თუ რა წერილი გაუგზავნეს ამერიკის საელჩოს, მუშაობის რა არეალი იქნებოდა, წერილი არ უჩვენებიათ“,- განაცხადა რამიშვილმა.

ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
ქართული პრესის მიმოხილვა 21.09.2020
ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)