თურქეთის ჯანდაცვის სამინისტრო ქვეყნის საკურორტო ზონებში კორონავირუსის შემთხვევების მატების შესახებ გავრცელებულ ინფორმაციას უარყოფს.

„ინფორმაცია საკურორტო ზონებში კორონავირუსის შემთხვევების მკვეთრი ზრდის შესახებ სიმართლეს არ შეესაბამება,“- განაცხადა თურქეთის ჯანდაცვის სამინისტროს პრეს-სპიკერმა რუსულ სააგენტო TASS-თან საუბარში.

რამდენიმე რუსულმა მედია საშუალებამ თურქეთის ჯანდაცვის მინისტრ ფაჰრეთინ კოჯაზე დაყრდნობით გაავრცელა ინფორმაცია, რომ თურქეთის საკურორტო ზონებში კორონავირუსის შემთხვევებმა მოიმატა.

ცნობისათვის, ბოლო მონაცემებით, თურქეთში კორონავირუსის 236 000-ზე მეტი შემთხვევაა დადასტურებული, აქედან გამოჯანმრთელებულია 219 506 და დაღუპულია 5 784 ადამიანი.