„თავისუფალი საქართველო“ – 18 წლის ზემოთ საქართველოს ნებისმიერ მოქალაქეს  საშუალებას ვაძლევთ ქვეყნის მართვის პროცესებში აქტიურად ჩაერთოს

„თავისუფალი საქართველო“ 18 წლის ზემოთ, საქართველოს ნებისმიერ მოქალაქეს საშუალებას აძლევს ქვეყნის მართვის პროცესებში აქტიურად ჩაერთოს. აღნიშნულ ინფორმაციას პარტიის პრესსამსახური ავრცელებს.

პარტიის ლიდერის, კახა კუკავას განცხადებით, პარტია დეპუტატობის მსურველ კანდიდატებს იწვევს.

„თავისუფალი საქართველო“ ვიწრო შიდაპოლიტიკურ ინტერესებს არ განეკუთვნება. საპარლამენტო არჩევნებში, არა მხოლოდ პარტიულ, არამედ უპარტიო კანდიდატებსაც წარვადგენთ. ამიტომაც, ყველა დაინტერესებულ პირს შეუძლია პირადად მოგვმართოს დედაქალაქსა თუ რეგიონებში და აქტიურად ჩაერთოს წინასაარჩევნო კამპანიაში, როგორც მაჟორიტარი დეპუტატის კანდიდატი. პარტიის რიგებში პრივილეგირებული წევრები არ არსებობენ, ჩვენთვის მთავარი პრიორიტეტებია: პროფესიონალიზმი, პატრიოტიზმი და პიროვნული რეპუტაცია, რომელიც ქვეყნის აღმშენებლობას უნდა მოხმარდეს. ვისაც მიაჩნია, რომ ამ კრიტერიუმებს აკმაყოფილებს, მზად ვართ მასთან აქტიურად ვითანამშრომლოთ. იმ ოლქებში კი, სადაც მაჟორიტარი დეპუტატობის რამდენიმე მსურველი იქნება, ჩავატარებთ პრაიმერს, რომელიც საუკეთესოდან-საუკეთესო კანდიდატს გამოავლენს“, - აცხადებს კახა კუკავა.

„დაინტერესებულ მოქალაქეებს განაცხადების გამოგზავნა შეუძლიათ ელექტრონული ფოსტის - Freegeorgia2010@gmail.com მეშვეობით. ასევე განცხადების ატვირთვა შესაძლებელია პარტიის ოფიციალურ „ფეისბუქ” გვერდზეც”, - ნათქვამია განცხადებაში.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია