მამუკა მდინარაძე - განსაკუთრებულ აღნიშვნას იმსახურებს ყველაზე მსხვილი დონაცია კოვიდის ფონდში - ასი მილიონი ლარი, რომელიც ბიძინა ივანიშვილის ოჯახმა განახორციელა

„ჩვენი გუნდი აგრძელებს მოსახლეობის მხარდაჭერას”, - ამის შესახებ პარლამენტის თავმჯდომარის მოადგილემ, მამუკა მდინარაძემ განაცხადა.

მისი ინფორმაციით, სწორედ ამ მიზნით, ხელისუფლება იწყებს ანტიკრიზისული გეგმის მე-3 ეტაპს.

„თითოეული ბავშვი - 17 წლის ასაკის ჩათვლით მიიღებს 200-ლარიან ფინანსურ კომპენსაციას; 150 000-მდე სოციალური ქულის მქონე სტუდენტებს დაუფინანსდებათ ნახევარი წლის გადასახადი (1 125 ლარი); 150 000 სოციალურ ქულამდე სტატუსშეჩერებულ სტუდენტს, სახელმწიფო 1 წლის სწავლის საფასურს დაუფინანსებს; სახელმწიფო დააფინანსებს 200 კილოვატ საათამდე ელექტროენერგიის და 200 კუბურ მეტრამდე გაზის გადასახადს კიდევ 4 თვის განმავლობაში - ნოემბერში, დეკემბერში, იანვარსა და თებერვალში; 300-ლარიან კომპენსაციას მიიღებს დამატებით 80 ათასი მოქალაქე. შედეგად ამ კომპენსაციას მიიღებს ყველა მოქალაქე (ჯამში 250 000), რომელმაც შეავსო შესაბამისი განაცხადი. ძალიან დიდი მადლობა აბსოლუტურად ყველას, ვინც კოვიდის ფონდში შენატანი განახორციელა, რომლის გარეშეც შეუძლებელი იქნებოდა ანტიკრიზისული გეგმის მესამე ეტაპის ამგვარი მასშტაბურობა. რა თქმა უნდა, განსაკუთრებულ აღნიშვნას იმსახურებს ყველაზე მსხვილი დონაცია კოვიდის ფონდში - ასი მილიონი ლარი, რომელიც ბიძინა ივანიშვილის ოჯახმა განახორციელა”, - განაცხადა პარლამენტის ვიცე-სპიკერმა.​

ინფორმაციას პარლამენტის პრესსამსახური ავრცელებს.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს