ბელარუსის პრეზიდენტი ალექსანდრე ლუკაშენკო მიიჩნევს, რომ კორონავირუსით განზრახ დააავადეს.
„კორონავირუსი გადმომდეს. ამჟამად ჩვენ ამ საკითხს ვიძიებთ“, - აღნიშნა ლუკაშენკომ უკრაინელ ჟურნალისტ დიმიტრი გორდონთან ინტერვიუში, რომელიც მინსკში 5 აგვისტოს ჩაიწერა.
პრეზიდენტის სიტყვებს ციტირებს გამოცემა „გორდონის“ მთავარი რედაქტორი ალესია ბაცმანი, რომელიც მინსკში ინტერვიუს ჩაწერის პროცესს ესწრებოდა.
შეგახსენებთ, ივლისის ბოლოს ლუკაშენკომ განაცხადა, რომ კორონავირუსით იყო ინფიცირებული და ეს დაავადება უსიმპტომოდ, ფეხზე მდგომმა გადაიტანა.